Isabulin 107 - Ebaibuli

EITABO V

¹ Kimalata ma EJAKAIT; naarai ejok ŋesi: Naarai ejaenena akeitim ikar kere.

² Koremasi lulakuna luka EJAKAIT kwaŋin, Lualaku nesl kakan naka lokasurup;

³ Kotuk kes kakwapin, Anyoun kokide koto da, Anyoun kagolitomei ka eŋalakimak da.

⁴ Kitoroto amodiŋ ipasitos; Mam apotu kodumut ere loiboikinos.

⁵ Kiilor etaukec kotomakec Kanuka eteŋei ka akure.

⁶ Kosodete kesi aimony mama ejai EJAKAIT kotoma ocanikec, Koyu kes kationisikec.

⁷ Kinarenik kes korot loitenara, Tetere elosete ore loiboikinos.

⁸ Okwe ti ca iruna kituroto EJAKAIT kanuka ajokisike, Kanuka aswamisioke da nukaumokin mama ejaas idwe luka ituŋa!

⁹ Naarai isimonikini etau loimiela, Etau da loeriebi eteŋei ilelebi nukaiokak.

¹⁰ Ŋul lueboiete kamuton kotoribe da loka atwanare, Koenitete kaiticanit ka asuat;

¹¹ Naarai apotu kipaliikis akiro nuka Edeke, Komenata ainerunet naka Loejai kuju kakuj:

¹² Kanuka ŋun abu ŋesi kitisil ekecetau kaitaaritoi; Kibiroros, komamei yeninarakinit.

¹³ Kosodete kesi aimony mama ejai EJAKAIT kotoma oeanikee, Kitajar kes kationisikec.

¹⁴ Kitolom kes kamuton kotoribe da loka atwanare, Kobilibil aenetakec.

¹⁵ Okwe ti ca ituŋa kituroto EJAKAIT kanuka aiokisike, Kanuka aswamisloke da nukaumokin mama ejaas idwe luka ituŋa!

¹⁶ Naarai abil ikirigin luka aisinit, Atub da atiketa nuka asua.

¹⁷ Iticanio ibaŋiok kanuka epalikec, Kanuka numam adolitekec da.

¹⁸ Egirit ekecetau inyamat luka ŋolipone kere; Ikunyakinete da orutei luka atwanare.

¹⁹ Kosodete kesi aimony mama ejai EJAKAIT kotoma ocanikee, Kitajar kes kationisikec.

²⁰ Ŋukari akekirot, itanaleuni kes, Eyuuni da kamudiariokec.

²¹ Okwe ti ca iruna kituroto EJAKAIT kanuka ajokisike, Kanuka akeswamisio da nukaumokin mama ejaas idwe luka ituŋa!

²² Koinakisi asuban nuka aimal, Kolimosi da akeswamisio kayoore,

²³ Ŋul luelosete aŋolol kotoma ameerin, Luiswamaete kotoma akar naepol;

²⁴ Eanyunete ŋul aswamisio nuka EJAKAIT, Ka nukaumokinike kataro.

²⁵ Naarai icorakini, itukusi da ekwam lokos, Loedakuni akailan.

²⁶ Edokarete kiton akui, kobonorete bobo ataro: Eburunete ikecetauon kanuka iean.

²⁷ Iriananaros lailo ka laiie, kigetigetas bala ekameran, Kipirisiaros ikecetauon piris.

²⁸ Kosodete kesi aimony mama ejai EJAKAIT kotoma oeanikee, Kitolom kes kationisikee.

²⁹ Kisinapikini ekwam, Tetere akailan epalarete.

³⁰ Kosodete kesi aiyalamikin naarai apalasi; Kwaŋin eyaŋaari kes odoket loakotosi kesi adokaria.

³¹ Okwe ti ca ituŋa kituroto EJAKAIT kanuka ajokisike, Kanuka akeswamisio da nukaumokin mama ejaas idwe luka ituŋa!

³² Kitopoloosi kesi da ŋes katukot naka ituŋa, Kituroto da ŋes kaibois naka imakio,

³³ Ituluori ieorin amodiŋ, Ka atanin da akwap naconit;

³⁴ Akwap nakamio ituluori amodiŋ naka abalaŋ, Kanuka aronis naka nul kaluiboiete kotoma.

³⁵ Ituluori amodiŋ abwal naka akipi, Ka akwap naconit da atanin.

³⁶ Isiboikini nina lueriebi eteŋei, Tetere itemokinete ere loiboikinos;

³⁷ Eyeete amanat, iraete da imusabibun, Edumunete amio naepol.

³⁸ Isirercni kes da, tetere euriaros noi; Mam eeamakini ikeeebaren aiŋoŋar.

³⁹ Kosodi bobo nainonarere kes, naitukukumere Kanuka aroikinio, ka ican, ka aiturur,

⁴⁰ Ebukokini ikapolok emenit, Isirimi da kes kamodiŋ naemamei erot.

⁴¹ Kwabo itonyouni luilwaritos alemun kaiticaniokee, Einakini ikalia luesubito bala esipan.

⁴² Eanyunete luitenara kotauon, kiyalamikinos; Numam adolit kere ebutarete.

⁴³ Ŋin yeneeo kibwaik ŋun otau, Koomoomata aitimesia nuka EJAKAIT.