Isabulin 104 - Ebaibuli

¹ Wu EJAKAIT Ekadeke, ipolo ijo noi! Inapit aibuses ka apolou,

² Loimukori bon kaica bala anapito; Loapesikinit akuj bala aigalisit:

³ Loiriikini akito nuka agolaike kakipi; Loituluori idouon agalike; Loelosenenei kabebenoka nuka ekwam,

⁴ Loituluori ikwamin ikekiyakia; Ikekejaanakinak akim naesarani.

⁵ Loapesi apeteta nuka akwap, Tetere mam ijaŋijaŋa ikar kere.

⁶ Irapaa ŋes kataro kwape kegoe; Kibwaut akip kokuju kiroŋan.

⁷ Apotu kokerata kaitoronokon; Kiwonyasi kanuka eporoto loka airetunikon.

⁸ Kodokas oron an, kiiesaros aditon, Kiton aiboisio nuibu kosubakinite kes.

⁹ Ibu kibwaik eikor lomam kes etubete; Tetere mam bobo eboŋorete arapiar akwap.

¹⁰ Ŋukari akipi nuka atanin aditon; Eleleete koronan:

¹¹ 1 tamasete ŋolitiaŋ loka ais; Eŋaleunete itukoi akecekure.

¹² Ibojenenete akweny nuka akuj karirikec, Eruosi katenun.

¹³ Itapapali ironan klikip nuka agolaike; Emonikin akwap araito nuka aswamisiokon.

¹⁴ Isibwanikini ibaren inya, Iiaikini ituŋa da ikui; Tetere elemunete inyamat kalup r

¹⁵ Ka ebino loisiyalamikinit etau loka etuŋanan, Ka akinyet naisimilimilio akekonyen, Ka atap da naeinakini etau loka ituŋanan agogoŋ,

¹⁶ Imonikinos ikito luka EJAKAIT; Iresia luka Lebanon, luabu kiraik;

¹⁷ Mama edukonokinete akweny akecekais: Etolut da iberosin kes eketogo.

¹⁸ Ironan lueojak eraas luka akinei nuka ais; Imor kes ameceta nuka ipooi.

¹⁹ Abu kibwaik elap abilia apakio; Ejeŋi akoloŋ akelomar,

²⁰ Isubi ijo amuton, koraun akuare; Naecedunotor itian kere luka amagoro.

²¹ Egatasi iŋatunyo ludidik adumun lumejauna, Emoete da ikecenyamat kama ejai Edeke.

²² Elomuni akoloŋ, eboŋorete, Eperete kabuaikec.

²³ Elosete ituŋa aswamukec, Aitaaritoikee aitodol eboŋ.

²⁴ Wu EJAKAIT, ipu ca ma ipitenyo luka aswatnisiokon! Isubit kes kere kacoa: Ileleba akwap abarakon.

²⁵ Ejai aŋolol ya, epol ido elal, Ejaas toma iboro lueliatos lumam emarunos, Itian ludidik ka lukapolok da.

²⁶ Elosete ameerin kanen; Ejai nen Lebiatan, loibu kosubak abolia kanen.

²⁷ Ŋul kere kidarito jo, Tetere iinakini kes ikecenyamat kedol apak,

²⁸ Etukonokinete luiinakini kes; Ilakari akonikan, imonikinos kesi lukaiokak.

²⁹ Ibwai akonikonyen, iyalononoete; Idemari eiyenanekec, etwakete, Eboŋorete da apuakec.

³⁰ Ŋukuni ekonimoyo, esubunio kes; Ido iteteuni ijo alup.

³¹ Koiaenena aibuses naka EJAKAIT ikar kete; Kolelak EJAKAIT aswamisioke:

³² Loenolekini akwap, kosodi akwap amaran; Etirori iroŋan, epurunete,

³³ Ayeonokini eoŋ EJAKAIT apaarasia kere nuka aijaraka: Ayeonokini aiturit Ekadeke aroko ajari.

³⁴ Koiokik ŋes akaomoom; Alelakini EJAKAIT.

³⁵ Komudiarai ikadiakanarak kakwap, Komameunos da ikaronok. Kiturite EJAKAIT, ijo etauka. Kituroto yesi EJAKAIT,