Isabulin 102 - Ebaibuli

Ailip naka yeniticanitoi, eburunit, ebukokini adorianake mama ejai EJAKAIT.

¹ Wu EJAKAIT, kiira akailip, Akaimony da kodolu mama ijai,

² Sirikibwa akonyenekon kama ajai, Kapaaran naanyunitor ican: Kitoik akonikit mama ajai; Kapaaran naeworoo Koboŋok katipet.

³ Naarai edaunos apaarasiaka kwape kapuru, Akakojo da icweio kwape kakalas.

⁴ Anomor ekatau bala inya, arinyo da; Naarai kemurwoki ainyam ikanyamat.

⁵ Kanuka eporoto loka eidinyaka Eminaikinos akakoio amunyoka.

⁶ Asubit bala etolut loka amodiŋ, Aput bala etukuri loka ais.

⁷ Akwenyi, ido asubit bala anyiporit, Naesilikinit bon koswi.

⁸ Kamoromoroete lukasurupoka apaaran kere; Luekerepikis mamaka ikenere.

⁹ Naarai anyam eoŋ ekurwon bala atap, Enyalak numatanaka kakiyo.

¹⁰ Kanuka aisiopokon, ka akoninyunyura: Naarai kidak eoŋ kosodi acakar.

¹¹ Esubito apaarasiaka bala etoribe loeoliori; Arinyo eoŋ bala inya.

¹² Konye jo wu EJAKAIT, iboienenei ikar kere; Aiitunetekon da mama ejaas aturio kere.

¹³ Inyouni, itimi da Sion: Naarai adolu apak aitim ŋes, Ecbo, adolu apale naaseikinitai,

¹⁴ Naarai isiyalamikinito ikonibulesin amoruke, Ido etimoto akepua.

¹⁵ Kwape kwaain eyoŋete atekerin kere ekiror loka EJAKAIT, Ikabakan da kere luka akwapin akoniibuses.

¹⁶ Naarai aduk EJAKAIT Sion, Atakanu kotoma aibusesuke.

¹⁷ Asesen ailip naka lukibakor, Komam emenit ailipikec.

¹⁸ Iwadikakinio nun aturi naebunit: Ituŋa da luesubunio iturete EJAKAIT.

¹⁹ Naarai ete ŋesi kwap koiai kaiboisike nakalaunan naicelelei; Abu EJAKAIT kosesen akwap kojai kuju:

²⁰ Akiirar eidiny loka eenat; Alacun nul luidaritere atwanare;

²¹ Tetere elimorete ituŋa ekiror loka EJAKAIT koSion, Ka aituriteke da koYerusalem;

²² Naetukonokinotor ituŋa, Ka ajakanuto da, aijaanakin EJAKAIT.

²³ Abu kitjoŋa akagogoŋ korot, Kituurian da akapaarasia.

²⁴ Katema atiar, “Wu Ekadeke, sirikiiyana eroko kedauna akapaarasia: Ikarukon enatarito aturio kere.”

²⁵ Ageun apeŋo ibu ijo kopet apetetait naka akwap; Aku; da erai aswam naka akaninikon,

²⁶ Edaunos ŋul, konye ibusenenei ijo: Eebo, ŋul kere emoionete kwape kanapito; Iloci kes kwape kanapito, ido iloconokinos:

²⁷ Konye ijo nopenol, Ikonikar da mam enaŋete,

²⁸ Ibojenenete idwe luka ibulesinikon Aurikee da iticasio kakonycnekon.