Ikolosain 4 - Ebaibuli

¹ Yes ijaka, kokorakis ikusibulesin nukadolit ka aitiirian, kojenete ebe ejai yes da Ejakait toma akuj.

² Kicebokinito kotoma ailip, kokwenyenenete kotomake kaimal.

³ Kilipanakinete sio da, ebe koŋaik Edeke sio ekek kanuka akirot, einer aiyeiyea naka Kristo, nakaenitere eoŋ kanukeŋ;

⁴ tetere etodiari kwape kebusakinitor einer,

⁵ Kolosenenete kacoa mama ejaas ŋul lukokiŋa, koyuununete apak.

⁶ Kinerenenasi apaarasia kere kasianut, kokonyite abalaŋ, tetere ijenete kwape ibusakinitor aboŋonokin ŋinituŋanan,

⁷ Kitejenikini yes Tukiko nukadoikis kere; erai ŋesi onace lominat ka ekejaanakinan lomunot, ido ebulesit aupakosi kotoma Ejakait.

⁸ Ejuk ŋes mamakus kanuka akirot kana, tetere ijenunete nukidoikis sio, ido kitalaka ŋesi ikusitauon,

⁹ nepepe ka Onesimo, onace lomunot ka lominat da, lokobukus. Kitejenikinete kesi yes akiro kere nukane.

¹⁰ Kiyogai yes Arisitariko, ekijoreoritono aupaka, ka Marako ecen loka Baranaba, (Ioaponi kicorakin yes kanukeŋ; arai ebuni mamakus, kisukunyikis ŋes),

¹¹ ka Yesu loenyaritai Yusito, Eraas lu lukotoma luekepitai, kes bonik ikeswamak lukaupaka kanuka ajakanut naka Edeke, luapotu ketalakasi eoŋ noi.

¹² Kiyogai yes Epapurasi, loerai lokobukus, ebulesit loka Kristo Yesu, euta apaarasia kere kanukus kotoma ailipike, tetere ibwoenenete kopolok, kitogogoŋito da kere nuekot Edeke.

¹³ Naarai etejenaara kanukeŋ ebe itaaritoi ŋesi noi kanukus, kanuka luko Laodikia da, kanuka luko Kierapoli da.

¹⁴ Kiyogai yes Luka emurwon lominat, ka Dema da.

¹⁵ Kiyogaete iinacan luejaas Laodikia, Numpa da ka ekanisa loejai togoke.

¹⁶ Ido naidauniata yesi asoman ebalua lo, kosiomata da kotoma okanisa loka Laodikia; kosiomata yesi da loebuni koLaodikia.

¹⁷ Kolimokis da Arikipo ebe, “Kocoite aijaanakin naibu kodum kotoma Ejakait, tetere itodoli.”

¹⁸ Eoŋ Paul ewadikai ayogan na kakakan elopet. Kiitununete akaenio. Asianut kojai mama ijaas.