Ekosio 8 - Ebaibuli

¹ Arai korai ijo onaceka, Lokenaki ikisina luka totoka! Nakaanyunia kokiŋ a, tikanu; Eebo, komameun lokameni.

² Tikenarenikini jo aitolomar togo loka totoka, Nakesisianakini; Tiketamat jo ebino loinyalakinitai lueuru ma, Kakipi nuka akamamaganaka,

³ Kojai akekan nakokediany akouka, Katunite akekan nakoteten.

⁴ Kesiyapoi yes, wu apesur nuka Yerusalem, Kinyeis aisidik arai aitwekenyun amin, Aitodol neakotokinor.

⁵ Iŋai bo na naebuni kamodiŋ, Egoŋakina kalominatake? Ketwekeny jo kokwap kelamai: Kanekeriebar totokon kiuriei, Kanekeriebar ŋin nakiuriei joo

⁶ Kibwaikinai eoŋ otaukon kwape amacaret, Kwape amaearet kakanikon: Naarai egogoŋ amin kwape atwanare; Eninik ekokote kwape okatwak: Aimiliaununetake esubito bala aimiliaununeta nuka akim, Aipelonoreta eut nuka EJAKAIT.

⁷ Mam epedorete akipi nuipu airuden amin, Karaida akalele ai tulumor ŋes: Arai iyuuni etuŋanan ainakin iboro kere lukokaleke itia amin, Tiemwanitai cut.

⁸ Kiia sio kainacikosi nadidi, Emameete ŋes ikisin: Kikwaikini ai inacikosi Kapaaran naisinerere?

⁹ Arai erai ŋesi arwatat, Kidukokini ŋes etogo loka epuesa: Arai erai ekirigi, Kigolokini ŋes katiketa nuka iresia.

¹⁰ Arai eoŋ arwatat, ikisinaka da esubito bala itogoike: Kasodi ajaut kakonyeneke bala yenikainapakin,

¹¹ Ejai Solomon emanikor laka emusabibu ko Baal-kamon; Kititinik ikakoriok emanikor ŋol Ioka emusabibu; Koyaununut ŋinituŋ anaŋ atutubeta alukumit nuka epuesa itia araitoke,

¹² Emanikorika laka emusabibu loerai lokaŋ, ejai kakonyeneka: Ŋo, wu Solomon, ijaun kalukumit, Ka ŋul da luidarete araitoke akwat aarei.

¹³ Ijo naiboie komanikoria, Iirarete aupasiakon ekoniporota, Kisiirarai eoŋ da.

¹⁴ Kiwony, lominataka, Koputokin kamori arai amiam nadidi, Koronan lueuru ma.