Anyoun 1 - Ebaibuli

¹ Lu kes ikiroria luka odwe luka Isiraelluadolete Misiri; kolot ŋinituŋanan ka ekaleke nepepe ka Yakob.

² Reubcn, ka Simeon, ka Lebi, ka Yuda;

³ Isakar, ka Sebulun, ka Benyamin;

⁴ Dan ka Naputali, ka Gad ka Aser.

⁵ Ituŋa kere lualomunete kakuan naka Yakob emwaasi ituŋa akaisakanykaarei; konye kojai Yosep Misiri sek.

⁶ Kotwana Yosep, ka ikeinacan kere, ka atur ŋin kere.

⁷ Kouriaros idwe luka Isirael, kiyatakinos noi, kipuaros, koraunos lukagogoŋok noi; kilelebunos akwap.

⁸ Kosodi kirum ekabaka ece Misiri, lomam ajeni Yosep.

⁹ Kotema iketuŋa atiar, “Koany, ipuituŋa luka idwe luka Isirael luegogoŋ aitelekarit oni;

¹⁰ Aso katubokisi acoa; kinyeis aipuar, tetere arai kebu ejie, kinyeis aimorikikin kalukasurupowok aitiji oni, kosodete anyoun kakwap.”

¹¹ Kanuka ŋun kibwaikinai iketwasamak aitican kes kabwokonikec. Kodukokis Parao ireria luka aiŋadisia, Pitom ka Raamuscs.

¹² Konye kwape eyatakiniata aitican, kiyatas kesi da kwape kwaŋin aipuar kaisiarakin. Kokadakis kes kanuka idwe luka Isirael.

¹³ Kitwasamata Imisirian idwe luka Isirael kagogoŋ;

¹⁴ Koroikis aijarakec kotoma obulesene loetiono, aitaaritoi naka elupe ka amatapalin, ka ebulesene kere loka amanat, ebulesene kere loetwasamata kagogoŋ.

¹⁵ Kotema ckabaka loka Misiri akesidok Nuburanian, ekiror loka adiopet Sipira, ekiror loka nakiareit Pua:

¹⁶ Kotema atiar, “Naisidoenenoto aŋor Nuburanian, kianyutu idounete; arai erai ikoku yenitelepat, iarete; konye arai erai yenipese, ejari.”

¹⁷ Konye koyoŋa akesidok Edcke, mam apotu kiswamata kwape kicorakinitor kes ekabaka loka Misiri, konye apotu kesi kinyaanakis idwe lutelepai ejarete.

¹⁸ Konyarau ekabaka loka Misiri akesidok, kobala kes atiar, “Kanukinyo iswamaata akirot ŋin, ainyein idwe lutelepai ejarete?”

¹⁹ Kobalas akesidok Parao atiar, “Naarai aŋor Nuburanian mam esubito bala aŋor Numisirian; naarai eŋaleete, idounete eroko akesidok kepona mamakec.”

²⁰ Kosubak Edeke akesidok ejok; kiyatakinos ituŋa aipuar, koraut lukagogoŋok noi.

²¹ Kosodi naarai ayoŋito akesidok Edeke, abu koinak kes ikalia.

²² Kicorak Parao ituŋake kere kobala atiar, “Ŋolitelepat loeurunio ieakakinete ocor, konyc napese, inyeinete ejari.”