Ageun 5 - Ebaibuli

¹ Lo ŋes citabo loka aur naka Adam. Kapaaran kaŋin nakesubia Edeke etuŋanan, kosub ŋes kasima naka Edeke.

² Kosub yenikiliokit ka yeniberu: kisireren kes, komaik ekecekiror Adam, kapaaran kaŋin kanaasubunere.

³ Kodau Adam ikar akwatat ka akaisauni, kouru okokuke kasimake, kotoma aputoke; komaik ekekiror Set.

⁴ Apaarasia nuka Adam kedau aur Set kes ikar akwat akanykauni: kouri idwe lusap ka lupesur.

⁵ Apaarasia kere nukaibut naka Adam kes ikar akwat akanykaoŋon ka akaisauni; kotwani.

⁶ Kodau Set ikar akwatat ka ikany, kouru Enos.

⁷ Kodau Set ikar akwat akanykauni ka ikanykaarei kedau aur Enos, kouri da idwe lusap ka lupesur.

⁸ Apaarasia kere nuka Set kes ikar akwat akanykaoŋon ka itomon ka luarei: kotwani.

⁹ Kodau Enos ikar akaisakanykaoŋon kouru Kenan.

¹⁰ Kodau Enos ikar akwat akanykauni ka itomon ka lukany kedau aur Kenan: kouri idwe lusap ka lupesur.

¹¹ Apaarasia kere nuka Enos kes ikar akwat akanykaoŋon ka ikany: kotwani.

¹² Kodau Kenan ikar akaisakanykaarei kouru Makalalel.

¹³ Kodau Kenan ikar akwat akanykauni ka akaisaoŋon kedau aur Makalalel, kouri idwe lusap ka lupesur.

¹⁴ Apaarasia kere nuka Kenan kes ikar akwat akanykaoŋon ka iromon: kotwani.

¹⁵ Kodau Makalalel ikar akaisakanykape ka lukany, kouru Yared.

¹⁶ Kodau Makalalel ikar akwat akanykauni ka akaisauni kedau aur Yared, kouri idwe lusap ka lupesur.

¹⁷ Apaarasia kere nuka Makalalel kes ikar akwat akanykauni ka akaisaoŋon ka lukany: kotwani.

¹⁸ Kodau Yared ikar akwatat ka akaisakanykape ka luarei: kouru Enok.

¹⁹ Kodau Yared ikar akwat akanykauni kedau aur Enok, kouri idwe lusap ka Iupesur.

²⁰ Apaarasia kere nuka Yared kes ikar akwat akanykaoŋon ka akaisakanykape ka luarei: kotwani.

²¹ Kodau Enok ikar akaisakanykape ka Iukany, kouru Metusela.

²² Kolosenenei Enok nepepe ka Edeke, kedau aur Metusela, ikar akwat auni: kouri idwe lusap ka Iupesur,

²³ Apaarasia kere nuka Enok kes ikar akwat auni ka akaisakanykape ka lukany.

²⁴ Kolosenenei Enok nepepe ka Edeke: komameun; naarai abu Edeke koyana ŋes.

²⁵ Kodau Metusela ikar akwatat ka akaisakanykauni ka lukanykaarei, kouru Lamek.

²⁶ Kodau Metusela ikar akwat akanykaarei ka akaisakanykauni ka luarei kedau aur Lamek, kouri idwe lusap ka lupesur.

²⁷ Apaarasia kere nuka Metusela kes ikar akwat akanykaoŋon ka akaisakanykape ka Iukanykaonon: kotwani.

²⁸ Kodau Lamek ikar akwatat ka akaisakanykauni ka luarei, kouru ikoku yenisapat.

²⁹ Komaik ekekiror Noa, kobala ebe, “Lo ŋes lokitalakari oni kaswamuwok, ka aitaaritoi naka akaniniwok, kanuka alup nukolo ekenokin EJAKAIT.”

³⁰ Kodau Lamek ikar akwat akany ka akaisakanykaoŋon ka lukany kedau aur Noa, kouri idwe lusap ka lupesur.

³¹ Apaarasia kere nuka Lamek kes ikar akwat akanykaarei ka akaisakanykaarei ka lukanykaarei: kotwani.

³² Kodau Noa ikar akwat akany: kouri Sem, ka Kam, ka Yapet.