1 Samuel 28 - Ebaibuli

¹ Kosodi kanen kapaarasia kanun, kotukonokis Ipilisitian akeeejoresio kanuka ejie, aitiji Isirael. Kotema Akis Daudi atiar, “Kojen ijo eut ebe kilosi ijo keoŋ ajore, ijo ka ikonituŋa.”

² Kotema Daudi Akis atiar, “Kanuka nun ijenuni nuiswamai ekonikejaanakinan.” Kotema Akis Daudi atiar, “Kanuka nun kadakakini araun ekedaran akouka apaarasia kere.”

³ Abu Samuel kotwanite, abu da Isirael kere kibworo ŋes, kidaikinai ŋes Rama, oreken, Abu Saul kirenearite luejaas aiokin, ka ikaeudak kakwap.

⁴ Kotukonokinos Ipilisitian kopotu kidukuroto Sunem: kotukok Saul Isirael kere, kidukuroto Giliboa.

⁵ Keanyu Saul aiore naka Ipilisitian abu kokurianar, komaran eketau noi.

⁶ Kosodi nakinisia Saul EJAKAIT, mam EJAKAIT abu koboŋok ŋes, karaida kotoma airujasia, karaida koUrim, karaida konabin.

⁷ Kosodi Saul atemar ikebulesin atiar, “Komoikinai aberu naejai ajokit, tetere alosi mamake aiŋitun.” Kotemasi ikekejaanakinak ŋes atiar, “Koany, ejai aberu En-dor naejai aiokit.”

⁸ Kitegelikin Saul, konap ieenapen, kolot, ŋes ka ituŋa iarei, kopotu neejai aberu kuare: kotema atiar, “Keŋainait, kodwarakinai kaiokit, kitodokik eoŋ kere yenikalimokini.”

⁹ Kotema aberu ŋes atiar, “Koany, ijeni nueswama Saul, kwape erenearia luejaas ajokin ka ikacudak kakwap: kanukinyo ilokia ijo akaijar, aiar eoŋ?”

¹⁰ Kiyapcik Saul ŋes kolimit EJAKAIT ebe, “Kwape ejaria EJAKAIT, mam adiokiticanet kidoikin jo kanuka akirot kana,”

¹¹ Kosodi aberu atemar atiar, “Iŋai bo etodokuni mamakon?” Kotema atiar,” Kitodokikinai Samuel.”

¹² Keanyu aberu Samuel, kodelo keporoto loepol: kotema aberu Saul atiar, “Kanukinyo kimodia ijo eoŋ? Kwabo irai ijo Sau!.”

¹³ Kotema ekabaka ŋes atiar, “Sirikikurianar: naarai inyo iseseni ijo?” Kotema aberu Saul atiar, “Aseseni edeke edokuni kokwap.”

¹⁴ Kotema ŋes atiar, “Ejesi ŋesi ai?” Kotema atiar, “Edokuni emoion; erapiara kekaso.” Kojen Saul ebe arai Samuel, kokukum, kisuded,

¹⁵ Kotema Samuel Saul atiar, “Kanukinyo kilonilonia aitodokun?” Koboŋok Saul ebe, “Ajai ocan luipu noi; naarai ketijiete Ipilisitian, anyou da Edeke kamakaŋ, mam bobo kabononokini, karaida konabin, karaida kotoma airuiasia: kanuka nun ŋes kanyaraunia jo, tetere kitejenuni nueswamai.”

¹⁶ Kotema Samuel atiar, “Aso kanukinyo kinisia eoŋ, naarai anyou EJAKAIT kamakon, erai da lokasurupikon?

¹⁷ Eswama EJAKAIT kanuke, kwape abu kineria kamakaŋ: acila EJAKAIT ajakanut kakanikon, ainaki eidunyetekon Daudi,

¹⁸ Naarai mam ibu korima eporoto loka EJAKAIT, mam ibu kitodol anyunyurake naededen kama ejai Amalek, kanuka nun ŋes kiswamakinia EJAKAIT jo akirot na lolo.

¹⁹ Bobo da ijaikini EJAKAIT Isirael ka jo da akan naka Ipilisitian: moi iiaunos ijo ka odwekon nepepe keoŋ: ijaikini EJAKAIT ajore naka Isirael akan naka Ipilisitian.”

²⁰ Kosodi Saul alatakin kwap, kokurianar noi kanuka akiro nuka Samuel: komameun ŋes agogoŋ; naarai mam anyamit adiotap apaaran kere, ka akuare kere,

²¹ Kobu aberu neejai Saul, koany ebe eyalononoi noi, kotema ŋes atiar, “Koany, apupoki akonibulesit eporotokon, adaearit akaiiar, apupok akonikiro nuibu kolimok eoŋ.

²² Aso, kenainait, kopupok ijo da eporoto loka abulesitikon, kainu jo adiotap; konyam, tetere igogonior, nailosio korotokon.”

²³ Konye koner, kotema atiar, “Mam anyami.” Konye kitinaikis ŋes ikekejaanakinak ka aberu; kopupok ŋesi ekeceporoto, Konyou kokwap kiboikin oitada.

²⁴ Ajai aberu itaok yenatumit togo; kiwonya, koar ŋes; kolem akiria, kono kope imugatin lumam itubuunitoi:

²⁵ Koinu ŋesi Saul ka ikekejaanakinak; konyamata. Kosodete anyoun, kolototo akuare ŋin.