Wïlöölö 36 - Wëël Jwøk

Luum Nyïïkwaac Icøø

¹ Man beeye luum nyïïkwaac Icøø na näk Ëdöm.

² Icøø anyöömö ki mään røk nyïïakuk Keenan; ni mään moa nywøme beege Ada nyi Ëlön nyï Këth, ka Öölibama nyi Ana na näk nyikwaar Dhibøn nyï Ëwi,

³ ki nyi Icmiel na näk Bacimat cöök Nebayöt.

⁴ Køøre Ada Elipath anywølge ki Icøø, ni ö Bacimati ni nywøl Raguël,

⁵ ni ö Öölibama ni nywøl Jeuc ki Jalam ki Köra. Moøgø beege wäät Icøø moa nywøle yi ŋööm Keenan.

⁶ Køøre Icøø määre ki wääte ki nyïïe ki jø paare bëët ki dïëk ki dhäk moe bëët ki lääc paac moe bëët ki jammi moe bëët moa joode yi ŋööm Keenan alwøre ni aae, ni ci paac mør mo kare bäär ki coki ma Jeekap.

⁷ Kiper jammi moa en jïge atïmö ni thööth døc, ni ba løny jïge ki man bëëtge kanya ciel, ni ö ŋøømmi moa bëëtge yie ni gena wëëlle ni tïmge ni ba rømi jïge; kiper lääc paac moge thööth.

⁸ Ni ö Icøø na näk Ëdöm ni daa Cëër, paana näk po kïte, ni bëëde yie.

⁹ 'Ba man beeye luum nyïïkwaac Icøø na näk kwar jø Ëdöm moa bëëdö Cëër paana näk po kïte.

¹⁰ Nyeŋ wäät Icøø beege Elipath na näk o cïïe ma Ada, ki Raguël na näk o cïïe ma Bacimat.

¹¹ 'Ba wäät Elipath beege Tëman ki Omar ki Dhepø ki Götöm ki Kënec.

¹² Timna beeye dhaagø ma kwanynyø mar Elipath wär Icøø. Timna Amalëk anywølge ki Elipath. 'Ba moøgø beege nyïïkwaac Ada na näk cï Icøø.

¹³ 'Ba wäät Raguël beege Naath ki Dheera ki Cimia ki Midha. Ni moøgø beege nyïïkwaac Bacimat na näk cï Icøø.

¹⁴ 'Ba Öölibama cï Icøø na näk nyi Ana nyikwaar Dhibøn, wääte moa nywøle ki Icøø beege Jeuc ki Jalam ki Köra.

¹⁵ 'Ba wäät Icøø na näk kwääri beege ii. Kwääri moa näk wäät Elipath kany Icøø beege Tëman ki Omar ki Dhepø ki Kënec,

¹⁶ ki Götöm ka Amalëk. Kwääri moøgø beege kwääri moa bëëdö yi ŋööm Ëdöm na käl ri Elipath. Geni, gena nyïïkwaac Ada.

¹⁷ 'Ba wäät Raguël wär Icøø na näk kwääri beege Naath ki Dheera ki Cimia ki Midha. Moøgø beege kwääri moa bëëdö yi ŋööm Ëdöm na käl ri Raguël. Geni, gena nyïïkwaac Bacimat na näk cï Icøø.

¹⁸ 'Ba kwääri moa näk wäät Öölibama cï Icøø beege Jeuc ki Jalam ki Köra. Moøgø beege kwääri moa nywøl Öölibama cï Icøø na näk nyi Ana.

¹⁹ Jøøgø bëët beege nyïïkwaac Icøø na näk Ëdöm ki wääte bëët, ni kwääri moøgø beege kwääri mo jø Ëdöm.

²⁰ 'Ba jøøa kwøŋ bëëdö paanøgø, na näk wäät Cëër nyï Öör, beege Löthan, ki Cöbal, ki Dhibøn, ki Ana,

²¹ ki Dicön, ki Ëdhör, ki Dican. Jøøgø beege kwääri moa käl ri jø Öör, na näk wäät Cëër na bëëdö yi ŋööm Ëdöm.

²² 'Ba wäät Löthan beege Ori ki Ëman. 'Ba cöök Löthanni mana näk dhaagø nyeŋŋe beeye Timna.

²³ Wäät Cöbal beege Alwan ki Manëat ki Ëbal ki Cipø ki Önam.

²⁴ 'Ba wäät Dhibøn beege Aya ki Ana. Ana kanya näk yie da pïï mo lëëthö dï paap ajoode kanya en baŋ kwaath ka arëëni mo wänni ma Dhibøn.

²⁵ 'Ba obwöre mo Ana beege Dicön ki nyaare ma Öölibama.

²⁶ Wäät Dicön beege Ëmdan, ki Ëcban, ki Ithran, ki Kiran.

²⁷ Ni wäät Ëdhör beege Bilaan ki Dhaawan ka Akan.

²⁸ Ni wäät Dican beege Uc ka Aran.

²⁹ 'Ba kwääri moa käl ri jø Öör beege Löthan ki Cöbal ki Dhibøn ki Ana,

³⁰ ki Dicön ki Ëdhör ki Dican. Jøøgø beege kwääri moa käl ri jø Öör, na kwaan ki køør dhøk uut tuuŋ kwär moge yi ŋööm Cëër.

³¹ 'Ba nyeye moa en teeki ceŋge yi ŋööm Ëdöm kanya poode ni poot bäŋ nyeya mo bëën jø Icrielli beege ii:

³² Nyeŋ nyeya mana dïkwøŋ beeye Bëla o Beeyör na bëëdö na nyeya Ëdöm, ni nyeŋ pääny mare cwøl ni Dinaaba.

³³ Køøre Bëla athøw, ni ö Jöbap o Dheera nyï Bödhra ni tïme na nyeya kar gø.

³⁴ Køøre Jöbap athøw, ni ö Ëcam nyï po jø Tëman ni tïme na nyeya kar Jöbap.

³⁵ Køøre Ëcam athøw, ni ö Adati o Badat, ŋata dïïm jø Midien yïth ŋøøp jø Möap, ni tïme na nyeya kar Ëcam, ni nyeŋ pääny mare cwøl na Awit.

³⁶ Køøre Adat athøw, ni ö Camla nyï Mecrëka ni tïme na nyeya kar Adat.

³⁷ Køøre Camla athøw, ni ö Caulli nyï Rööböth paana en bäät naam Upareeti ni tïme na nyeya kar Camla.

³⁸ Køøre Caul athøw, ni ö Baal-Anan wär Akbör ni tïme na nyeya kar Caul.

³⁹ Køøre Baal-Anan wär Akbör athøw, ni ö Adati ni tïme na nyeya kar Baal-Anan, ni nyeŋ pääny mare cwøl ni Pau; ni nyeŋ cïïe beeye Meethabël nyi Methrët na näk nyi Mëdhaap.

⁴⁰ 'Ba nyeŋ kwääri moa käl ri Icøø, ki køør dhøk tuŋi moge ki kwöra bëëtge yïthge, beege Timna ka Alwa ki Jethëth,

⁴¹ ka Öölibama ki Ëla ki Pinön,

⁴² ki Kënec ki Tëman ki Mibcar,

⁴³ ki Magdiel ki Iram. Jøøgø beege kwääri mo Ëdöm na kwaan ki køør kwöra bëëtge yïthge yi ŋöömma makge na marge. 'Ba Icøø beeye kwar jø Ëdöm.