Neemiya 7 - Wëël Jwøk

Luum Gïna Tïïc Neemiya Kiper Jerucalem Kanya Thum Kiirri Ki Geer

¹ 'Ba kanya thum kiiri bäre ki mana cäŋi geerrø, ni nø kïtha odhuule kwörge, ni jø wø koor dhøgi mo kiir, ki jø wø wär ki dudi Øt Jwøk, ki jø tuuŋ Libay onø kwany,

² aani coka ma Anani, ka Ananiya, ŋat wø en kwör gwøk røk cere, gena kwanya nee Jerucalem bëëde ni ena ceŋge; kiper Ananiya beeye dhaanhø mo oŋäädhö, na ŋat mo lwäär ki Jwøk ni kaala jiy mo thööth.

³ Ni kööa jïge, ni «Uuni, dhøgi mo kiir mar Jerucalem kär laaru jap këël kanyo lëënh cäŋŋi; 'ba kanyo bëët jø wø koor dhøgi mo kiir ni ge kurö, wär bëëtge no odhuule ege cïëgö ni ege dëëdö ki dïdëëdi. Uuni thuwø, kwänyu ki jø koor røk jø wø bëëdö Jerucalem nee jø møøk bëëtge kwör koor moge, ni jø møøk kurö deŋ uudi moge.»

⁴ 'Ba kar kaagø Jerucalem dwøŋ jaak ni yie laac; 'ba beege jiy mo nøk keerge na en yie, ni poot bäŋ uudi mo ogeerø.

Kwään Jiy Moa Kwøŋ Duuö Ki Babiløn

⁵ 'Ba Jwøk mara gïnögø akïth cwïnya nee jøøa kwörge døøŋŋø, ki jø kööre, ki jiy bëët cooŋa kanya ciel, nee nyeŋge göör piny ki køør wïth tuŋi moge. Køøre aani wëëlö ajooda, ni beeye wëëlö mana näk nyeŋ jøøa kwøŋ duu Jerucalem ogöör piny yie, ni luubö mana jooda no ogöör piny yie bee en:

⁶ Moi beege jø Juuda moa duuö ki Babiløn, na duu Jerucalem ki mïëc Juuda møga, ni ŋati man nø duua yi pääny poge. Ni jøøgø beege thäk jiy moa no omaaø ki tøŋ na bëëdö na wëëlle Babiløn, ni beege jøøa mak Nabukedenecörri nyeny Babiløn ni kïth geni Babiløn.

⁷ Ni jøøgø ge cäädhi ka dïbwöthe moge ni beege Dherubabel, ki Jøcua, ki Neemiya, ka Adhariya, ki Raamiya, ki Naamani, ki Mördekay, ki Bilcan, ki Micpëret, ki Bigway, ki Neum, ki Baanaa. 'Ba moi beege kwään cwøw mo jø Icriel moa öge ki ge:

⁸ Nyïïkwaac Paröc beege jiy ma kume ariiø ki dïpa aciel ki pïërabïriiø ka ariiø.

⁹ Nyïïkwaac Cepathiya beege jiy ma dïpe adäk ki pïërabïriiø ka ariiø.

¹⁰ Nyïïkwaac Araa beege jiy ma dïpe abïciel ki pïërabïïc ka ariiø.

¹¹ Nyïïkwaac Paath-Möap na käl ri Jëcua ki Jöap beege jiy ma kume ariiø ki dïpe abära ka apaar ka abära.

¹² Nyïïkwaac Ilam beege jiy ma kuma aciel ki dïpe ariiø ki pïërabïïc ka aŋween.

¹³ Nyïïkwaac Dhatu beege jiy ma dïpe abära ki pïëraŋween ka abïïc.

¹⁴ Nyïïkwaac Dhakay beege jiy ma dïpe abïriiø ki pïërabïciel.

¹⁵ Nyïïkwaac Binuy beege jiy ma dïpe abïciel ki pïëraŋween ka abära.

¹⁶ Nyïïkwaac Bëbay beege jiy ma dïpe abïciel ki pïërariiø ka abära.

¹⁷ Nyïïkwaac Adhigad beege jiy ma kume ariiø ki dïpe adäk ki pïërariiø ka ariiø.

¹⁸ Nyïïkwaac Adönikam beege jiy ma dïpe abïciel ki pïërabïciel ka abïriiø.

¹⁹ Nyïïkwaac Bigway beege jiy ma kume ariiø ki pïërabïciel ka abïriiø.

²⁰ Nyïïkwaac Adin beege jiy ma dïpe abïciel ki pïërabïïc ka abïïc.

²¹ Nyïïkwaac Ather na käl ri Edhekaya beege jiy ma pïërabïŋween ka abära.

²² Nyïïkwaac Acum beege jiy ma dïpe adäk ki pïërariiø ka abära.

²³ Nyïïkwaac Bëdhay beege jiy ma dïpe adäk ki pïërariiø ka aŋween.

²⁴ Nyïïkwaac Arip beege jiy ma dïpa aciel ka apaar kurriiø.

²⁵ Nyïïkwaac Gibien beege jiy ma pïërabïŋween ka abïïc.

²⁶ Jø Bethelem ki jø Nethöpa beege jiy ma dïpa aciel ki pïërabära ka abära.

²⁷ Jø Anathöth beege jiy ma dïpa aciel ki pïërariiø ka abära.

²⁸ Jø Bëëth-Adhemawët beege jiy ma pïëraŋween ka ariiø.

²⁹ Jø Kiriat-Jeerim ki jø Keepira ki jø Bëëröth beege jiy ma dïpe abïriiø ki pïëraŋween ka adäk.

³⁰ Jø Reema ki jø Gëba beege jiy ma dïpe abïciel ki pïërariiø ka aciel.

³¹ Jø Mikmac beege jiy ma dïpa aciel ki pïërariiø ka ariiø.

³² Jø Bëthël ki jø Gaay beege jiy ma dïpa aciel ki pïërariiø ka adäk.

³³ Jø Nebø maya beege jiy ma pïërabïïc ka ariiø.

³⁴ Nyïïkwaac Ilam maya beege jiy ma kuma aciel ki dïpe ariiø ki pïërabïïc ka aŋween.

³⁵ Nyïïkwaac Arim beege jiy ma dïpe adäk ki pïërariiø.

³⁶ Jø Jerikö beege jiy ma dïpe adäk ki pïëraŋween ka abïïc.

³⁷ Jø Löt ki jø Adid, ki jø Onö beege jiy ma dïpe abïriiø ki pïërariiø ka aciel.

³⁸ Jø Cënaa beege jiy ma kume adäk ki dïpe abïŋween ki pïëradäk.

³⁹ Moi beege kwään dïlämme moa duuö: Nyïïkwaac Jidaya na käl Jëcua dëëre beege jiy ma dïpe abïŋween ki pïërabïriiø ka adäk.

⁴⁰ Nyïïkwaac Imër beege jiy ma kuma aciel ki pïërabïïc ka ariiø.

⁴¹ Nyïïkwaac Pacuur beege jiy ma kuma aciel ki dïpe ariiø ki pïëraŋween ka abïriiø.

⁴² Nyïïkwaac Arim beege jiy ma kuma aciel ka apaar ka abïriiø.

⁴³ Moi beege kwään cwøw mo jø tuuŋ Libay moa duuö: Nyïïkwaac Jëcua na käl dhi øt Kadmiël, Kadmiël na käl røk nyïïkwaac Odawïya beege jiy ma pïërabïriiø ka aŋween.

⁴⁴ Jø wø wär ki dudi Øt Jwøk, ni beege nyïïkwaac Acaap, beege jiy ma dïpa aciel ki pïëraŋween ka abära.

⁴⁵ Jø wø koor dhøk kal mar Øt Jwøk, ni beege nyïïkwaac Calum, ki nyïïkwaac Ather, ki nyïïkwaac Thalmön, ki nyïïkwaac Akup, ki nyïïkwaac Athitha, ki nyïïkwaac Cöbay, kwäänge bëët beege jiy ma dïpa aciel ki pïëradäk ka abära.

⁴⁶ 'Ba jiy moa duuö mo wø tïïö Øt Jwøk beege: Nyïïkwaac Dhia, ki nyïïkwaac Acupa, ki nyïïkwaac Thabaøt,

⁴⁷ ki nyïïkwaac Këröc, ki nyïïkwaac Ciya, ki nyïïkwaac Padön,

⁴⁸ ki nyïïkwaac Lebana, ki nyïïkwaac Agaba, ki nyïïkwaac Calmay,

⁴⁹ ki nyïïkwaac Anan, ki nyïïkwaac Gidël, ki nyïïkwaac Gaar,

⁵⁰ ki nyïïkwaac Reaya, ki nyïïkwaac Recin, ki nyïïkwaac Neköda,

⁵¹ ki nyïïkwaac Gadham, ki nyïïkwaac Udha, ki nyïïkwaac Pacëa,

⁵² ki nyïïkwaac Bëcay, ki nyïïkwaac Meunim, ki nyïïkwaac Nepicim,

⁵³ ki nyïïkwaac Bakbuk, ki nyïïkwaac Akupa, ki nyïïkwaac Aruur,

⁵⁴ ki nyïïkwaac Bathlut, ki nyïïkwaac Meida, ki nyïïkwaac Arca,

⁵⁵ ki nyïïkwaac Barköc, ki nyïïkwaac Cicara, ki nyïïkwaac Tëma,

⁵⁶ ki nyïïkwaac Nedhiya, ki nyïïkwaac Athipa.

⁵⁷ 'Ba jiy moa duuö mo wø tïïö Øt Jwøk, ni beege jøøa cwøl ni laak Cølöman, beege: Nyïïkwaac Cöthay, ki nyïïkwaac Cöpërët, ki nyïïkwaac Përida,

⁵⁸ ki nyïïkwaac Jaala, ki nyïïkwaac Darkön, ki nyïïkwaac Gidël,

⁵⁹ ki nyïïkwaac Cepathiya, ki nyïïkwaac Athil, ki nyïïkwaac Pökëret-Adhëbaym, ki nyïïkwaac Amön.

⁶⁰ 'Ba kwään jiy mo wø tïïö yi Øt Jwøk bëët, ki kwään nyïïkwaac laak Cølöman beege jiy ma dïpe adäk ki pïërabïŋween ka ariiø.

⁶¹ 'Ba da jiy maa öö ki yïth mïëc Babiløn, mïëri moa cøøri ni Tël-Mëla, ki Tël-Arca, ki Kerup, ka Adan, ki Imër. 'Ba kär løny jïge ki man caange wïth tuŋi moge wala dhøk uudi moge man näk mo gena jø Icriel;

⁶² ni jøøgø beege nyïïkwaac Delaya, ki nyïïkwaac Thöbiya, ki nyïïkwaac Neköda; ni kwäänge beege jiy ma dïpe abïciel ki pïëraŋween ka ariiø.

⁶³ 'Ba da jø tuuŋ dïlämme mo omänö ki tïïc mar dïlämme, ni beege nyïïkwaac Obaya, ki nyïïkwaac Aködh, ki nyïïkwaac Bardhilay. Bardhilay manøgø beeye na nywøm nyi Bardhilay nyï Gelät, ni put nyeŋŋe caa ri nyeŋ wää cïïe ma Bardhilay.

⁶⁴ 'Ba jøøgø nyeŋ kwäcge amanyge yi wëël nyeŋ; 'ba kiper mana näk mo kär joodø, gena kwaan kaamar jiy mo ba en ri tuuŋ dïlämme, ni män geni ki tïïc mar dïlämme.

⁶⁵ Køøre kwäärö mar paac aköö jïge ni ge ba løny ki man cämge ki cam man wø en kur keere wø cïp jï Wuuö Jwøk, këël kanyo dee dïlämi mo luup ŋøle ka køør Urim ki Thumim.

⁶⁶ 'Ba kwään jiy moa cooŋ rege kanya ciel kanya duuge ki Babiløn beege jiy ma kume ma pïëraŋween ka ariiø ki dïpe adäk ki pïërabïciel,

⁶⁷ ni kwään laaŋe moge, ni beege cwøw ki mään ma kume abïriiø ki dïpe adäk ki pïëradäk ka abïriiø, kär kwaan rege. 'Ba geni, jïge da jiy mo wø wär ki dudi ma dïpe ariiø ki pïëraŋween ka abïïc, ni beege cwøw ki mään.

⁶⁸ Ni jïge do okwëënyi ma dïpe abïriiø ki pïëradäk ka abïciel, ki gääŋŋe ma dïpe ariiø ki pïëraŋween ka abïïc,

⁶⁹ ni jïge da athïrööle ma dïpe aŋween ki pïëradäk ka abïïc, ka arëëni ma kume abïciel ki dïpe abïriiø ki pïërariiø.

⁷⁰ 'Ba jiy møøk røk dïbwöthe mo wïth tuŋi, gena cïpö ki jammi kiper tïï Øt Jwøk nee cäŋ geer kare. Ni ö kwäärö mar paaci ni cïpe ki gwet warkey mo darik ma kuma, ki kuure ma pïërabïïc, ka abïïe mo dïlämme ma dïpe abïïc ki pïëradäk, ni kïth geni kar kän.

⁷¹ Ni ö jø møøki røk dïbwöthe mo wïth tuŋi ni cïpge ki gwet warkey mo darik ma kume ma pïërariiø kiper tïï Øt Jwøk, ki gwet-bïrö mo miina ma kume ariiø ki dïpe ariiø, ni kïth geni kar kän.

⁷² 'Ba jiy møga, moa cïpge beeye gwet warkey mo darik ma kume ma pïërariiø, ki gwet-bïrö mo miina ma kume ariiø, ka abïïe mo dïlämme ma pïërabïciel ka abïriiø.

⁷³ 'Ba kar kaagø dïlämme, ki jø tuuŋ Libay, ki jø wø koor dhøk kal mar Øt Jwøk, ki jø wø wär ki dudi Øt Jwøk, ki jiy møga, ki jø wø tïïö yi Øt Jwøk, ki jø Icriel bëët, gena pï piny yïth päänye moge.