Mana Nyooth 15 - Wëël Jwøk

Luum Jap Räny Piny Abïriiø Moo Näk Aŋuudi

¹ Kanyøgø ŋïï mør mo dwøŋ døc na gïn mo rëëma ec aneena maal, ni beege nyïïatwiet maal abïriiø mo käära teeŋ jap räny piny abïriiø moo näk aŋuudi. Kiper gïïögø beeye geni noo ŋuut wëëc Jwøki ki ge.

² Ni neena gïn mør mo nëëni keda naam mo dwøŋ mar wïlli mo orwöbö ki maac. 'Ba jøøa näk Lääy ege böötö, ki gïna näk ocwääö na caal kïte, ki kwäänö mar nyeŋŋe, ge cuŋŋa bäät naamøgø na mar wïlli enø, ni ceŋge da thøme moa wëëk Jwøki geni.

³ Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

⁴ ?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

⁵ 'Ba køør gïïögø, aana nëënnö, ni jooda kanya en kur keere na pere leth na en yo oduŋkaany wø køp gïr Jwøk no ojabø maalø.

⁶ Ni ö nyïïatwiet maal moøgø na abïriiø yøø ni öge wøk ki yi Øt Jwøk manøgø ni ge käära jap räny piny karge bïriet. Ni dëëtge da abïïe mo tøŋ ni ŋwaŋŋi, ni kööthge da kaae ma warkey.

⁷ Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

⁸ Ni ö Øt Jwøki manøgø ni pääŋe ki jïrö mo käla ra ajiem Jwøk ki teege. Ni bäŋ dhaanhø mo løny jïre ki man døny øtø, këël mano ö gïï räny piny karge bïriedi mo nyïïatwiet maal karge bïriet no lønyge.