Kwään Jiy 7 - Wëël Jwøk

Muuce Moa Cïp Dïbwöthe Kiper Cïp Oduŋkaara Kur Keere

¹ 'Ba dïcäŋa løny Modhe ki gur oduŋkaany Wuuö Jwøk piny, eni oduŋkaara ki japa en yie bëët agweele ki maaw ni cïp ge kur keerge na mo Jwøk. Ni gweel gïn wø cïp olämme bääte ki jap wø tïïö ki ge bëët thuwø, ni cïp ge kur keerge.

² Køøre kwääc lwaae mo jø Icriel, na näk wïth dhøk uudi moge, na näk dïbwöthe mo tuŋi, akännö ki muuce; ni jøøgø beege jøøa näk cuumme wïth jøøa kwaan.

³ 'Ba muuce moa kälge nyïm Wuuö Jwøk beege jïëthe abïciel mo wø tut dhäki, ni jïëthe moøgø wïthge orïëbö, ki dhäk apaar kurriiø, ni jääy man nø käla dïbwöthe ariiø, ni ŋati man nø dëët dïbwöthe käla dhieŋ aciel; ni cïpge geni nyïm oduŋkaany Wuuö Jwøk.

⁴ Køøre Wuuö Jwøk aköö jï Modhe,

⁵ ni «Lwør japøgø ceŋge, kiper nee tïmge na jammi mo kunynyö ri tïïc mar oduŋkaany røømmø, ni mëëgï ge jø tuuŋ Libay, ni mooyï ŋati man nø ki køør tïïc mare.»

⁶ Køøre Modhe jïëthe ki dhäk alwøre, ni mëëk ge jø tuuŋ Libay.

⁷ Jïëthe ariiø ki dhäk aŋween amëëk wäät Gërcön, ki køør tïïc marge;

⁸ ni ö jïëthe aŋween ki dhäk abära ni mëëk ge wäät Mërari ki køør tïïc marge, ni tïïc marge ena cer Itamer wär Aran na näk Kwääy Lam Mana Dwøŋ.

⁹ 'Ba bäŋ gïn mo ee cïbö jï wäät Kät, kiper japa en kur keerge na en ceŋge beege jammi mo kääri ni di biellø.

¹⁰ Køøre dïcäŋa gweel gïn wø cïp olämme bääte ki maaw, dïbwöthe akännö ki muuce kiper nee gïn wø cïp olämme bääte cïp kur keere, ni cïpge geni nyïm gïn wø cïp olämme bääte.

¹¹ Ni kö Wuuö Jwøki jï Modhe, ni «Dïbwöthe muuce moge dege cïbö ki yïth cääŋŋe, ni dïbwödhi man nø cïpö ki yi cäŋ aciel, kiper nee gïn wø cïp olämme bääte cïp kur keere.»

¹² 'Ba ŋata kwøŋ muuce moe cïp dïcäŋ mana dïkwøŋ beeye Nacøn wär Aminadap, na käl ri jø tuuŋ Juuda.

¹³ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö thuwø, mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

¹⁴ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

¹⁵ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

¹⁶ ki nywø ateea aciel no olämi mar raay.

¹⁷ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Nacøn wär Aminadap.

¹⁸ 'Ba na tïme na ri riet nïne, Natanel o Dhuar, na näk dïbwödhi mar jø tuuŋ Icakar, acïpö ki muuce.

¹⁹ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

²⁰ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

²¹ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

²² ki nywø ateea aciel no olämi mar raay.

²³ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Natanel o Dhuar.

²⁴ 'Ba na tïme na ri dää nïne, Eliap o Këëlön, na näk dïbwödhi mar jø tuuŋ Dhebulan, acïpö ki muuce.

²⁵ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

²⁶ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

²⁷ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

²⁸ ki nywø ateea aciel no olämi mar raay.

²⁹ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Eliap o Këëlön.

³⁰ 'Ba na tïme na ri ŋweer nïne, Elicuur o Cediyör, na näk dïbwödhi mar jø tuuŋ Ruben, acïpö ki muuce.

³¹ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

³² Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

³³ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

³⁴ ki nywø ateea aciel no olämi mar raay.

³⁵ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Elicuur o Cediyör.

³⁶ 'Ba na tïme na ri bïï nïne, Celumiel o Curicaday, na näk dïbwödhi mar jø tuuŋ Cimien, acïpö ki muuce.

³⁷ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

³⁸ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

³⁹ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁴⁰ ki nywø ateea aciel no olämi mar raay.

⁴¹ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Celumiel o Curicaday.

⁴² 'Ba na tïme na ri bïcier nïne, Eliacap o Deeweel, na näk dïbwödhi mar jø tuuŋ Gaat, acïpö ki muuce.

⁴³ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁴⁴ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁴⁵ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁴⁶ ki nywø ateea aciel no olämi mar raay.

⁴⁷ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Eliacap o Deeweel.

⁴⁸ 'Ba na tïme na ri bïriet nïne, Elicama wär Ammiyut, na näk dïbwödhi mar jø tuuŋ Ipariem, acïpö ki muuce.

⁴⁹ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁵⁰ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁵¹ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁵² ki nywø ateea aciel no olämi mar raay.

⁵³ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Elicama wär Ammiyut.

⁵⁴ 'Ba na tïme na ri bäc nïne, Gameeliel o Pedacur, na näk dïbwödhi mar jø tuuŋ Maneeca, acïpö ki muuce.

⁵⁵ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁵⁶ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁵⁷ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁵⁸ ki nywø ateea aciel no olämi mar raay.

⁵⁹ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Gameeliel o Pedacur.

⁶⁰ 'Ba na tïme na ri bïŋweer nïne, Abidan o Gidiöni, na näk dïbwödhi mar jø tuuŋ Benjamen, acïpö ki muuce.

⁶¹ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁶² Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁶³ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁶⁴ ki nywø ateea aciel no olämi mar raay.

⁶⁵ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Abidan o Gidiöni.

⁶⁶ 'Ba na tïme na ri paac nïne, Akiedhar wär Amicaday, na näk dïbwödhi mar jø tuuŋ Daan, acïpö ki muuce.

⁶⁷ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁶⁸ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁶⁹ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁷⁰ ki nywø ateea aciel no olämi mar raay.

⁷¹ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Akiedhar wär Amicaday.

⁷² 'Ba na tïme na ri nïne apaar kurciel, Pagiel wär Okaran, na näk dïbwödhi mar jø tuuŋ Acer, acïpö ki muuce.

⁷³ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁷⁴ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁷⁵ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁷⁶ ki nywø ateea aciel no olämi mar raay.

⁷⁷ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beege muuce moa cïp Pagiel wär Okaran.

⁷⁸ 'Ba na tïme na ri nïne apaar kurriiø, Akira wär Enan, na näk dïbwödhi mar jø tuuŋ Naptali, acïpö ki muuce.

⁷⁹ Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

⁸⁰ Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

⁸¹ ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

⁸² ki nywø ateea aciel no olämi mar raay.

⁸³ 'Ba ena cïpö ki dhäk ariiø, ki nyöök rööm abïïc, ki nyöök atëëe abïïc, ki nyïïdïëk abïïc ma rööm mo cwiicge oceele no olämme mo wø duunni ki mëër. Moøgø beeye muuce moa cïp Akira wär Enan.

⁸⁴ 'Ba muuce moa cïp dïbwöthe mo jø Icriel kiper nee gïn wø cïp olämme bääte cïp kur keere dïcäŋa gweeli ki maaw beege cäänne apaar kurriiø mo tïïc ka gwel-bïrö ki kuure apaar kurriiø mo tïïc ka gwel-bïrö ka apät warkey apaar kurriiø.

⁸⁵ Caani mar gwel-bïrö man nø peek mare beeye rumme ma dïpa ki pïëradäk mar rumi mana cwøl ni cekel, ni kuura man nø peek mare beeye rumme ma pïërabïriiø mar rumi mana cwøl ni cekel. Cäänne mo gwel-bïrö moøgø bëët, peek marge beeye rumme ma kume ariiø ki dïpe aŋween mar rumi mana cwøl ni cekel, no orømø na kare ki køør rumi mar kar lam na en kur keere.

⁸⁶ Apät warkey moa näk apaar kurriiø mo yïthge päŋ ki gïna näk jïye ŋwääi ni met, peek marge beeye rumme ma dïpa ki pïërariiø mar rumi mana cwøl ni cekel, na apaal man nø peek mare beeye rumme apaar mar rumi mana cwøl ni cekel, no orømø na kare ki køør rumi mar kar lam na en kur keere.

⁸⁷ Lääc paac bëët moa cïp no olämme mo wø waaŋ bäre beege rwädhe apaar kurriiø, ki nyöök rööm apaar kurriiø, ki nyïïdïëk apaar kurriiø ma rööm ma nyööi mo cwiicge oceele, ki muuce mo beel mo wø cïp na aciel ko olämme. 'Ba moa cïp no olämme kiper raay beege nyöök atëëe apaar kurriiø.

⁸⁸ Lääc paac bëët moa cïp no olämme mo wø duunni ki mëër beege rwädhe ma pïërariiø kurŋween, ki nyöök rööm ma pïërabïciel, ki nyöök atëëe ma pïërabïciel, ki nyïïdïëk ma pïërabïciel ma rööm mo cwiicge oceele. Moøgø beege muuce moa cïp kiper nee gïn wø cïp olämme bääte cïp kur keere, ni beege moa cïp ki køør mana gweeli ki maaw.

⁸⁹ Køøre kanya ö Modhe na døny yo oduŋkaany røømmø kuna cääne ki Wuuö Jwøk, dwør Wuuö Jwøk awïnynye ni cäänna eni. Ni dwøl ööi ka bäät rëëbi mana näk nyuudhi mar wëën raay na en bäät acanduk man wø nyooth luumma tuut Jwøki ki jiy; ni dwørøgø ööi ki yïthakic gïïa näk ariiø na näk otïïö ki warkey na caal nyïïatwiet maal moa cwøl ni kirubëlli. Ni put Wuuö Jwøki cäänö ki eni.