Kwään Jiy 33 - Wëël Jwøk

Luum Kwöra Caath Jø Icrielli

¹ 'Ba moi beege kwöra caath jø Icrielli, kanya öge wøk ki Ijep ni ge cäädhi na lwaae kaamar jiy mo rege ege jiiŋŋø kiper leny, ni ge bwøtha Modhe ka Aran.

² 'Ba kwöra tïŋge wäädhi ki yïthge agöör Modhe piny thuwø ki køør mana caan Wuuö Jwøki; ni moi beege kwöra caathge bëët ki køør kwöra tïŋge wäädhi ki yïthge.

³ Kanya tïm nïr dwääy mana dïkwøŋ na apaar kurbïïc, jø Icriel atïŋŋö kanya cwøl ni Ramcë, ni beeye køør Cäŋa Pööth Thøøe Yie. Dïcäŋöce jø Icriel aö wøk ki Ijep ni cwïnyge da cer, ni nëënö jï jø Ijep bëët;

⁴ ni beeye kanya bëët jø Ijepi ni ge kunyö ki dëët kaai moge moa thøw ka ajäl Wuuö Jwøk. 'Ba kar kaace thuwø Wuuö Jwøk teek mar juu mo Ijep ee nø raanynyø na bäre.

⁵ 'Ba kanya tïŋ jø Icrielli ki Ramcë, twïër marge atïïcge Cuköt.

⁶ Ni tïŋge ki Cuköt, ni tïïcge twïër marge Ëtham, na en deŋ paap.

⁷ Ni tïŋge ki Ëtham, ni løkge rege ni døøge Pii-Ayröt, na en nyïm 'Baal-Dhapön; ni tïïcge twïër marge nyïm Migdöl.

⁸ Ni tïŋge ki Pii-Ayröt, ni pööthge ki dï Naama Kwaar, ni cige dï paap, ni cääthge ki nïne adäk dï paap Ëtham, ni tïïcge twïër marge Maara.

⁹ Ni tïŋge Maara, ni öge Ëlim; 'ba Ëlim yie da ïïdhi apaar kurriiø mo yïthge da pïï, ki twöe ma pïërabïriiø; ni ö geni ni tïïcge twïër marge kaace.

¹⁰ Ni tïŋge ki Ëlim, ni tïïcge twïër marge deŋ Naama Kwaar.

¹¹ Ni tïŋge ki buut Naama Kwaar, ni tïïcge twïër marge dï paap Cin.

¹² Ni tïŋge ki dï paap Cin, ni tïïcge twïër marge Dapeka.

¹³ Ni tïŋge Dapeka, ni tïïcge twïër marge Aluc.

¹⁴ Ni tïŋge ki Aluc, ni tïïcge twïër marge Rapidim, kanya näk bäŋ pïï mo maath yie.

¹⁵ Ni tïŋge ki Rapidim, ni tïïcge twïër marge dï paap Caynay.

¹⁶ Ni tïŋge ki dï paap Caynay, ni tïïcge twïër marge kanya cwøl ni Kibïröth-Ataba.

¹⁷ Ni tïŋge ki kanya cwøl ni Kibïröth-Ataba, ni tïïcge twïër marge Adhëëröth.

¹⁸ Ni tïŋge ki Adhëëröth, ni tïïcge twïër marge Ritama.

¹⁹ Ni tïŋge ki Ritama, ni tïïcge twïër marge Rimön-Peereth.

²⁰ Ni tïŋge ki Rimön-Peereth, ni tïïcge twïër marge Libana.

²¹ Ni tïŋge ki Libana, ni tïïcge twïër marge Rica.

²² Ni tïŋge ki Rica, ni tïïcge twïër marge Keyelata.

²³ Ni tïŋge ki Keyelata, ni tïïcge twïër marge tier Kïn Capir.

²⁴ Ni tïŋge ki tier Kïn Capir, ni tïïcge twïër marge Arada.

²⁵ Ni tïŋge ki Arada, ni tïïcge twïër marge Mekeyelöt.

²⁶ Ni tïŋge ki Mekeyelöt, ni tïïcge twïër marge Taath.

²⁷ Ni tïŋge ki Taath, ni tïïcge twïër marge Teera.

²⁸ Ni tïŋge ki Teera, ni tïïcge twïër marge Mitaka.

²⁹ Ni tïŋge ki Mitaka, ni tïïcge twïër marge Acamöna.

³⁰ Ni tïŋge ki Acamöna, ni tïïcge twïër marge Möcëëröt.

³¹ Ni tïŋge ki Möcëëröt, ni tïïcge twïër marge Bene-Jaakan.

³² Ni tïŋge ki Bene-Jaakan, ni tïïcge twïër marge Öör-Agitgat.

³³ Ni tïŋge ki Öör-Agitgat, ni tïïcge twïër marge Jöthbata.

³⁴ Ni tïŋge ki Jöthbata, ni tïïcge twïër marge Abaröna.

³⁵ Ni tïŋge ki Abaröna, ni tïïcge twïër marge Edhiyön-Gabir.

³⁶ Ni tïŋge ki Edhiyön-Gabir, ni tïïcge twïër marge Kadëc, na en dï paap Dhïn.

³⁷ Ni tïŋge ki Kadëc, ni tïïcge twïër marge tier Kïn Öör, na en deŋ ŋööm jø Ëdöm.

³⁸ 'Ba Aran na näk Kwääy Lam Mana Dwøŋ aci bäät Kïn Öör ki køør mana caan Wuuö Jwøki, ni thøø kaace. 'Ba kar kaace beeye kanya päŋ cwiic jø Icriel na pïëraŋween ki mana öge wøk ki Ijep, ni beeye dïcäŋ mana dïkwøŋ mar bïï dwäde.

³⁹ 'Ba kanya thøw Aranni bäät Kïn Öör, cwiiri moe päŋ ni dïpa aciel ki pïërariiø kurdäk.

⁴⁰ 'Ba kar kaaca, nyeny jø Arat nyï Keenan, na bëëdö Nëgëp yi ŋööm Keenan, ööny jø Icriel awïnynye.

⁴¹ Ni ö jø Icrielli ni cäŋge tïŋŋö tier Kïn Öör, ni tïïcge twïër marge Jaalmöna.

⁴² Ni tïŋge ki Jaalmöna, ni tïïcge twïër marge Punön.

⁴³ Ni tïŋge ki Punön, ni tïïcge twïër marge Oböth.

⁴⁴ Ni tïŋge ki Oböth, ni tïïcge twïër marge Iye-Abarim, na en keew mar jø Möap.

⁴⁵ Ni tïŋge ki Iye-Abarim, ni tïïcge twïër marge Dibön-Gaat.

⁴⁶ Ni tïŋge ki Dibön-Gaat, ni tïïcge twïër marge Almön-Dibalataym.

⁴⁷ Ni tïŋge ki Almön-Dibalataym, ni tïïcge twïër marge bäät kïdi mana cwøl na Abarim, nyïm Kïn Nebø.

⁴⁸ Ni tïŋge ki bäät kïdi mana cwøl na Abarim, ni tïïcge twïër marge pwöl Möap na en deŋ Naam Jördan na näk dïët ki Jerikö.

⁴⁹ 'Ba gena tïïö ki twïër bäät Naam Jördan kaace, ni täge ki Bëëth-Jecimöt këël mana këët Abël-Cetim na en yi pwöl Möap.

Luubö Mana Caan Jwøki Kiper Ŋöömö Mano Mac Jø Icrielli

⁵⁰ 'Ba kanya enge pwöl Möap deŋ Naam Jördan na näk dïët ki Jerikö, Wuuö Jwøk acäänö ki Modhe, ni kööe,

⁵¹ ni «Caanï jï jø Icriel, ni kööï jïge, ni ‹Kanyo ŋøllu Naam Jördan nou cøøa ŋööm Keenan,

⁵² jiy bëët moa bëëdö kaace wär riemu wøk, ni raanynyu gïïa no otieŋø na juu, ki japa no oleenyø na no otïïö na juu bëët mo wø lamge; ni raanynyu kwör lam moge bëët moa en bäät thuuri.

⁵³ Ni mayu ŋøøm ni bëëdu yie, kiper yaa nø cïp jïïu na maru.

⁵⁴ Ni pääŋŋu ŋøøm nee cige jï tuŋi mou ki køør ŋïïce mo wø tïïc ki ri kwääk ki baw. Tuuŋ mo dwøŋ wär mooyu ki ŋøøm mo thööth, ni cïpu ŋøøm mo nøk jï tuuŋ mo thiinh; ni tuuŋ man wø päth ŋïïce baŋge, ŋøømmeca doo tïmö na marge. 'Ba uuno jïti ki ŋøøm ki køør nyeŋ kwäyu.

⁵⁵ « ‹'Ba ni näk jiy moa bëëdö kaace ba riemu wøk, jøøo dööŋ no oweyu otïmö kaamar gïï mo cööbö nyeŋŋu, ni caalge köödhi mo cööba tiet butu, ni cwaatge yïthu kaace kanyo bëëdu yi ŋöömmögø.

⁵⁶ Køøre gïna caara ki cwïnya nee tïïa dëëtge owiila ni tïme ni tïïa dëëtu.› »