Jööp 25 - Wëël Jwøk

Luubö Mana Løk Bildati

¹ Køøre aløk Bildati nyï Cuua ni kööe,

² ni «Ŋata näk wää teeki na doo lwäärö beeye Jwøk. Eni tier bëët-mëër ee këël piny ni teek kar bëëtö mare maal.

³ ?Aŋø, jø leny moe thum ki kwaan? ?Aŋø, aŋa ni wø dööŋ wøk ni tar mar Jwøk ba rieny bääte?

⁴ ?Aŋø, bëët dhaanhø tïme ni tiir nidïï nyïm Jwøk? ?Dhaanhø man no onywøl dhaage en, bëëtö mare tïme ni waany nidïï?

⁵ Raŋŋu, ni näk mo tac dwääy ki tøŋ mar ceer ee taaø ki waŋe,

⁶ ?a dhaanhø man nø, ni bäŋ kare ni caal twöŋö en, ni beeye wär dhaanhø man ni caal adïpïra jaak en, ba kadha mare?»