Jøcua 19 - Wëël Jwøk

Luum Ŋøøm Moa Cïp Jï Jø Tuuŋ Cimien

¹ Køøre kanya tïme na ri rietge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Cimien, ni beege ŋøøm mo dööŋ jïge na kurge, aö wøk ki nyeŋge ki køør dhøk uudi moge. 'Ba ŋøøm moøgø ena dï ŋøøm moa cïp jï jø tuuŋ Juuda.

² 'Ba päänye moa cïp jïge na moge beege Bëërcïïba, ki Cïïba, ki Mölada,

³ ka Adhar-Cuwal, ki Bala, ka Acëm,

⁴ ki Eltölat, ki Betul, ki Örma,

⁵ ki Ciklak, ki Bëëth-Markaböt, ka Adhar-Cuca,

⁶ ki Bëëth-Libawöt, ki Caruwën, ni beege päänye apaar kurdäk ka atude moge moa en buutge.

⁷ Ka Ayn, ki Rimön, ki Ëtëër, ka Acan, ni beege päänye aŋween ka atude moge moa en buutge;

⁸ ka atude bëët moa en deŋ päänye moøgø, këël mana këët pääny mana cwøl ni Baalath-Bëër, ni beeye Reema, na en jï løø tier-piny. Moøgø beege ŋøøm moa cïp jï jø tuuŋ Cimien na ŋöömmo dööŋ jïge na kurge ki køør dhøk uudi moge.

⁹ 'Ba ŋøøm moa cïp jï jø tuuŋ Cimien na ŋöömmo dööŋ jïge na kurge lwørra ri ŋøøm moa näk onø cïp jï jø tuuŋ Juuda, kiper ŋöömö mana cïp jï jø tuuŋ Juuda atïmö ni päl døc kiperge; ni ö jø tuuŋ Cimien ni putge jïtö ki ŋøøm mo dööŋ jïge na kurge dï ŋøøm moa cïp jï jø tuuŋ Juuda.

Luum Ŋøøm Moa Cïp Jï Jø Tuuŋ Dhebulan

¹⁰ 'Ba kanya tïme na ri dääge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Dhebulan, ni beege ŋøøm mo dööŋ jïge na kurge, aö wøk ki nyeŋge ki køør dhøk uudi moge, ni ŋøøm moøgø aput pïï pääny mana cwøl ni Carit.

¹¹ Køøre ki mana täge ki Carit kaagø, waŋ keew marge aput aay ki jï løø kur pänh-cäŋ ni coonya Meräla, ni put pïï Debecët, ni pöödhe ni ŋuude yi waŋ mana näk dïët ki Jökniam.

¹² 'Ba waŋ keew acäŋ tägö ki Carit kaagø, ni cøøa jï løø kur tuul-cäŋ, këël mana put pïï waŋ keew mar kanya cwøl ni Kiclöt-Tabör, ni pööth pääny mana cwøl ni Dabirat ni pïïe Japia.

¹³ 'Ba waŋ keew ki jï løø kur tuul-cäŋ, apöödhö ni aa jï løø wï-piny, ni coonya Gëth-Ëper ki Yith-Kacin, ni put pöödhö ni pïïe Rimön, ni kööm ree ni aae ni cøøa Nia.

¹⁴ 'Ba ki mana täge ki Nia kaace, waŋ keew ree aput gøn ki jï løø wï-piny ni coonya Anatön, ni put ŋuudö goor Yiptaël.

¹⁵ 'Ba ŋöömö marge rwöpa päänye apaar kurriiø ka atude moge moa en buutge, ni nyeŋ päänye møøk dïge beege Kathat, ki Nalal, ki Cimrön, ki Yidala, ki Bethelem.

¹⁶ Moøgø beege ŋøøm moa cïp jï jø tuuŋ Dhebulan na ŋöömmo dööŋ jïge ki køør dhøk uudi moge, ni rwöpa päänye moøgø ka atude moge moa en buutge.

Luum Ŋøøm Moa Cïp Jï Jø Tuuŋ Icakar

¹⁷ 'Ba kanya tïme na ri ŋweerge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Icakar aö wøk ki nyeŋge ki køør dhøk uudi moge.

¹⁸ 'Ba ŋöömö marge rwöpa Jedhriel ki Keclöt, ki Cunem,

¹⁹ ka Aparayim, ki Ciön, ka Anarath,

²⁰ ki Rebit, ki Kicön, ka Abëc,

²¹ ki Rëmëth, ka Ayn-Ganim, ka Ayn-Ada, ki Bëëth-Pacec.

²² 'Ba waŋ keew marge aput aay ni pïïe Tabör, ki Cacuma, këël Bëëth-Camic, ni ö keewi ni put ŋuudö yi Naam Jördan. 'Ba päänye moøgø beege apaar ka abïciel ka atude moge moa en buutge.

²³ Moøgø beege ŋøøm moa cïp jï jø tuuŋ Icakar na ŋöömmo dööŋ jïge na kurge ki køør dhøk uudi moge, ni rwöpa päänye moøgø ka atude moge moa en buutge.

Luum Ŋøøm Moa Cïp Jï Jø Tuuŋ Acer

²⁴ 'Ba kanya tïme na ri bïïge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Acer aö wøk ki nyeŋge ki køør dhøk uudi moge.

²⁵ 'Ba ŋöömö marge rwöpa Këlkath, ka Ali, ki Bëthëën, ka Akcap,

²⁶ ka Alamëlëk, ka Amät, ki Mical; 'ba waŋ keew ki jï løø kur pänh-cäŋ aput pïï ri Kïn Karmël ki Ciör-Libanat.

²⁷ 'Ba ki mana täge ki kaace, waŋ keew ree aput gøn jï kur tuul-cäŋ, ni coonya Bëëth-Dagön, ni kïïö ka ŋöömö mar jø tuuŋ Dhebulan, ni cøra goor Yiptaël ki jï løø wï-piny, ni coonya Bëëth-Ëmëk ki Nïël; køøre aput døø ki bäät caam ni coonya Kabul,

²⁸ ki Abidön, ki Reeyöp, ka Amön, ki Kana, këël mana put aay ni dïët ki Caydan na dwøŋ.

²⁹ Ni ö waŋ keewi ni put ree gøn ni coonya Reema, ni dïët ki pääny Tayar na näk ogeerø ni teek; køøre waŋ keew ree acäŋ gønnø ni coonya Öca, ni put ŋuudö yi naama dwøŋ ki kanya näk dïët ka Akdhip.

³⁰ 'Ba päänye møøk thuwø mo poot ee rwöbö beege Uma, ka Apëk, ki Reeyöp; ni beege päänye ma pïërariiø kurriiø ka atude moge moa en buutge.

³¹ Moøgø beege ŋøøm moa cïp jï jø tuuŋ Acer na ŋöömmo dööŋ jïge na kurge ki køør dhøk uudi moge, ni rwöpa päänye moøgø ka atude moge moa en buutge.

Luum Ŋøøm Moa Cïp Jï Jø Tuuŋ Naptali

³² 'Ba kanya tïme na ri bïcierge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Naptali aö wøk ki nyeŋge ki køør dhøk uudi moge.

³³ 'Ba waŋ keew marge atägö ki Ëlëp ni aae ni coonya jaadha päl na en Dhaynanim, ni pööth Adami-Nëkëp, ki Japniël, ni aae ni coonya Lakum ni put ŋuudö yi Naam Jördan.

³⁴ Køøre waŋ keew ree agøn jï løø kur pänh-cäŋ ni aae ni coonya Adhenöt-Tabör, ni pöödhe ki kaace ni coonya Ukök, ni kïïö ka ŋöömö mar jø tuuŋ Dhebulan ki jï løø tier-piny, ni kïïö ka ŋöömö mar jø tuuŋ Acer ki jï løø kur pänh-cäŋ, ni put aay ni coonya kanya cwøl ni Jekuda na en bäät Naam Jördan jï løø kur tuul-cäŋ.

³⁵ 'Ba päänye moa no ogeerø ni teek na en yi ŋöömö mar jø tuuŋ Naptali beege Dhidim, ki Cëër, ka Amath, ki Rekat, ki Kinërët,

³⁶ ka Adama, ki Reema, ka Adhör,

³⁷ ki Këdëc, ki Edaray, ka Ayn-Adhör,

³⁸ ki Yirön, ki Mikdal-Ël, ki Örëm, ki Bëëth-Anat, ki Bëëth-Camic; ni beege päänye apaar ka abïŋween ka atude moge moa en buutge.

³⁹ Moøgø beege ŋøøm moa cïp jï jø tuuŋ Naptali na ŋöömmo dööŋ jïge ki køør dhøk uudi moge, ni rwöpa päänye moøgø ka atude moge moa en buutge.

Luum Ŋøøm Moa Cïp Jï Tuuŋ Daan

⁴⁰ 'Ba kanya tïme na ri bïrietge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Daan, ni beege ŋøøm mo dööŋ jïge na kurge, aö wøk ki nyeŋge ki køør dhøk uudi moge.

⁴¹ 'Ba päänye moa en yi ŋöömö marge beege Dhöra, ki Ëctaöl, ki Ir-Camic,

⁴² ki Caalebin, ki Ayalön, ki Ithla,

⁴³ ki Ëlön, ki Temna, ka Akarön,

⁴⁴ ki Eltekë, ki Gibetön, ki Baalath,

⁴⁵ ki Jeyut, ki Bene-Berek, ki Gëth-Rimön,

⁴⁶ ki Më-Jarkön, ki Rakön, këël ŋøøm moa näk dïët ki Jøpa.

⁴⁷ 'Ba køøre cään, jø tuuŋ Daan jiy moa en yïth mïëri moøgø kär løny jïge ki man riemge ge wøk. Køøre gena cøø ni këëtge ki jø Laaic ni macge paac manøgø. Ni ö jiy bëët moa en yie ni 'näkge ge ko opëëlle, ni lwørge paac manøgø ni putge bëëtö yie; ni cwølge nyeŋ Laaic ni Daan ni ge caa gø ri nyeŋ kwarge ma Daan.

⁴⁸ Moøgø beege ŋøøm moa cïp jï jø tuuŋ Daan na ŋöömmo dööŋ jïge na kurge ki køør dhøk uudi moge, ni rwöpa päänye moøgø ka atude moge moa en buutge.

Luum Pääny Mana Cïp Jï Jøcua

⁴⁹ 'Ba kanya ö jø Icrielli na thöörge tïï pääŋ ŋøøm mo dööŋ jïge na kurge ki køør nyeŋ keee moa en yïthakicge, geni Jøcua o Nun amoocge ki pääny yïthakicge, nee tïme ni beeye mano dööŋ jïre na kure.

⁵⁰ 'Ba kaawat mana nø caani ya Wuuö Jwøki, pääny mana many Jøcua kiree, beeye na cïpge jïgø, ni beeye pääny mana cwøl ni Temna-Cëëra na en mïëya en bäät kïte, na en yi ŋööm jø tuuŋ Ipariem. Ni ö Jøcua ni geer pääny manøgø ni put bëëtö yie.

⁵¹ 'Ba manøgø beeye luum ŋøøm mo dööŋ jï jø Icriel na pääŋ Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel, ni pääŋŋi ka køør ŋïïce mo wø tïïc ki ri kwääk ki baw nyïm Wuuö Jwøk, ni tïïc manøgø tïïcge dho oduŋkaany røømmø kanya enge Cëëlö. Ni ö geni ni putge tïïc manøgø na tïï pääŋ ŋøøm enø thöör.