Jøcua 12 - Wëël Jwøk

Luum Nyeye Moa Bööt Modhe Dïkwøŋ

¹ Kar kaaca jø Icriel nyeye moa näk ariiø mo jø Amör ege nø böötö ni macge mïëri moge. 'Ba ŋöömö manøgø ena løø Naam Jördan jï løø kur tuul-cäŋ, ni tägi ka Naam Arnön këël mana këët ri Kïn Armön, ki gool mana cwøl na Araaba.

² 'Ba nyeya mana dïkwøŋ beeye Cëëwön nyeny jø Amör na näk bëëdö pääny Ëcbön. Ŋöömö mar paare beeye thääŋ Gelät bäre, ni nyeŋ keee moe tägi ka Aröör na en deŋ goor Naam Arnön, ki paana en dï gool, këël mana këët Naam Jabök na näk keew mar jø Amön.

³ 'Ba ŋöömö manøgø rwöpa goor Jördan ni wø cwøl na Araaba na en jï løø tuul-cäŋ, ni tägi ka Puur Kinërët këël mana pïïe Bëëth-Jecimöt na en deŋ Naam Araaba, ni beeye Naam Acäbö, na en jï løø kur tuul-cäŋ, ni put aay ni coonya tier Kïn Pedhega.

⁴ 'Ba nyeya maya mana bööt jø Icrielli thuwø beeye Ög nyeny Baacan, na dööŋ røk juna cwøl ni Rapayim. Päänye moe moa bëëde yïthge beege Actaröth ki Edaray.

⁵ Ni ŋöömö mar paare rwöpa Kïn Armön ki pääny mana cwøl ni Caleka ki ŋööm Baacan bäre, këël mana put pïï waŋ keew mar jø Gëcur ki jø Maika, ki thääŋ Gelät bäre, këël mana pïïe waŋ keew mar Cëëwön nyeny Ëcbön.

⁶ 'Ba kar kaaca Modhe na näk dhaanh Wuuö Jwøk ki jø Icriel nyeye moøgø aböötge; ni ö eni ni cïp ŋøøm moøgø jï jø tuuŋ Ruben, ki jø tuuŋ Gaat, ki thääŋ tuuŋ Maneeca, ni beege ŋøøpo dööŋ jïge na kurge.

Nyeye Moa Bööt Jøcua

⁷ 'Ba køøre cään Jøcua ki jø Icriel nyeye moa bëëdö løø Jördan jï løø kur pänh-cäŋ aböötge, ni ŋøøm moge tägi ka Baal-Gaat na en goor Libaanø këël mana këët ri Kïn Alak na en buut Cëër. Ni ö Jøcua ni cïp ŋøøm moøgø jï jø Icriel na ŋøøpo dööŋ na kurge, ni ee pääŋŋö ki køør wïth tuŋi moge;

⁸ ni ŋøøm moøgø beege ŋøøm mo mïëya en bäät kïte, ki mïëya en ŋöömma näk ree ee päärö, ki mïëri moa en yi goor Jördan ni wø cwøl na Araaba, ki mïëri moa en deŋ kïte, ki mïëri moa en jï kuna en dï paap, ki mïëri moa en kanya cwøl ni Nëgëp; ni jiy moa en yïth mïëyögø beege jø Këth, ki jø Amör, ki jø Keenan, ki jø Përec, ki jø Ëwi, ki jø Jeebuc.

⁹ 'Ba nyeye moøgø beege nyeny Jerikö, ki nyeny Gaay, na en buut Bëthël,

¹⁰ ki nyeny Jerucalem, ki nyeny Keeprön,

¹¹ ki nyeny Jërmut, ki nyeny Lakic,

¹² ki nyeny Ëglön, ki nyeny Gëdher,

¹³ ki nyeny Dabëër, ki nyeny Gëëdir,

¹⁴ ki nyeny Örma, ki nyeny Arat,

¹⁵ ki nyeny Libana, ki nyeny Adulam,

¹⁶ ki nyeny Mekëëda, ki nyeny Bëthël,

¹⁷ ki nyeny Tapuwa, ki nyeny Ëpër,

¹⁸ ki nyeny Apëk, ki nyeny Lacarön,

¹⁹ ki nyeny Madön, ki nyeny Adhör,

²⁰ ki nyeny Cimrön-Mirön, ki nyeny Akcap,

²¹ ki nyeny Tanak, ki nyeny Megidø,

²² ki nyeny Këdëc, ki nyeny Jökniam na en kanya cwøl ni Karmël,

²³ ki nyeny Dör, paana en bäät kïnna cwøl ni Dör, ki nyeny Göyim na en Gëlgela,

²⁴ ki nyeny Tirja; ni kwään nyeye moøgø bëët beege pïëradäk kurciel.