Jeremaya 45 - Wëël Jwøk

Luumma Caan Wuuö Jwøki Kiper Baruk

¹ Man beeye dwøl mana caan nyikuŋ Jwøki ma Jeremaya jï Baruk o Neriya, kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, ni Baruk luup moa caan Jeremaya ee nø göör piny yi wëëlö. Ena köö,

² «Ï na Baruk en, luumma caan Wuuö Jwøki Jwø Icriel kiperï beeye en:

³ Ïïna köö, ‹Wui, aana ränynyö, kiper Wuuö Jwøk aana cäŋ mooyø ki kïmmö ni meet gø bäät rääm mara; aana ööl ki cooyø, naa bëëdö ni bäŋ jwöm mo jooda.›

⁴ «'Ba man beeye luumma caan Wuuö Jwøki jïra, ni ‹Ï na Jeremaya en, caanï jï Baruk ni Wuuö Jwøk aköö, ni «Ennø, gïna näk yaa tïïö ni teek raanynya raanynyø, ni gïna näk tiere yaa këël piny 'cööda wøk; ni gïnögø tägö yi ŋöömö bäre.

⁵ ?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»