Edhera 10 - Wëël Jwøk

Luum Gïna Tïïc Ki Man Kwier Nyïï Juurre

¹ 'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

² 'Ba Cekaniya wär Jikiël, mo käla ri nyïïkwaac Ilam, aköö jï Edhera, ni «Waani, waana tïïö ki gïn mo raac dëër Jwøk marø, ni beeye mana nywømwa nyïï juurre; 'ba wa na jø Icriel, këël na bëëtwa ki bëëtö manøgø, poot da ŋäädhe kiperwa.

³ 'Ba ennø, beerra man kööŋwa nyïm Jwøk marø ki man kwierwa mään moøgø bëët ko obwöre moge, ki køør luummï, ï na kwääya, ki luum jøøa dëëtge tïmö ni kwanynyi ki køør ciik mana no ocaan Jwøki marø; ni kïth luummögø bäät tïïc ki køør ciik Jwøk.

⁴ Ö maal nø! Kiper luummögø ena cerï; 'ba waani, wa cuŋŋö ki ïïni na aciel. Mak riï ni kïthï gø bäät tïïc.»

⁵ Køøre Edhera aö maal, ni ö jøøa näk kwörge døøŋŋø røk dïlämme, ki røk jø tuuŋ Libay, ki røk jø Icriel bëët ni tïïc ge nee kööŋge ki man kïthge luubö mana caan bäät tïïc; ni ö geni ni putge kööŋ.

⁶ Kanyøgø Edhera aput ö maal ki nyïm Øt Jwøk ni ci yi øtø mana no orep dëër Øt Jwøk, ni beeye øt Jöanan wär Eliyacip. 'Ba këël na ci kaace, eni kär cämö ki cam, ni eni kär mädhö ki pïï; kiper eni bëëdö ni kïmmö kiper bëëtö mana raac na beet nyïïkwaac jøøa mak ki tøŋ moa kwøŋ duuö.

⁷ Køøre gena gööc piny ki luubö yi Jerucalem ki dï Juuda bäre kiper nyïïkwaac jøøa mak ki tøŋ bëët moa kwøŋ duuö, nee rege cooŋge Jerucalem.

⁸ 'Ba ŋato ba ööi ki yïth nïne moø na adäk yøø, ki køør luum dïbwöthe ki jø døøŋŋø, eni jape di camø bëët, ni wii eni wøk ki ya acooŋ nyïïkwaac jøøa mak ki tøŋ moa duuö.

⁹ Kanyøgø jø tuuŋ Juuda bëët ki jø tuuŋ Benjamen bëët rege acooŋge Jerucalem ki yïth nïne adäk. 'Ba kanya tïm nïr dwää abïŋweenni na pïërariiø, jiy bëët apï piny kanya leer nyïm Øt Jwøk. 'Ba kiper teek mar acooŋa manøgø, ki køth mana päth bäätge, dëëtge atïmö ni kwanynyi.

¹⁰ 'Ba dïlämi ma Edhera aö maal ni kööe jïge, ni «Uuna bëëdö nou tïïya gïn mo raac, ki mana nywømmu nyïï juurre, nou meeda gø bäät raayu, u na jø Icriel.

¹¹ 'Ba ennø, køpu raayu jï Wuuö Jwøk, Jwø kwäyu, ni tïïyu mana manynye, ni kälu dëëtu wøk ki røk juurre mo wø bëëdö yi ŋöömmi, ni kwierru nyïï juurre moa nywømmu.»

¹² Køøre aløk jø acooŋa bëët ni döötge ena maal, ni köge, ni «Gïnögø beeye kare! Gïna caanï enø putwa ka kïth bäät tïïc.

¹³ 'Ba ennø, jiy thööth kany, ni pinynya cwiir, ni ba løny jïwa ki man cuŋwa wøk; ni tïïc manøgø ba løny ki tïïc ki dïcäŋ aciel wala ki nïne ariiø, kiper waano bääyö døc ki mana tïïcwa gïnögø.

¹⁴ Ennø, beerra man ö dïbwöthe mowa ni tïïcge tïïögø na kar jø acooŋa bëët, ni ö jiyi moa nyöömmö ki nyïï juurre na en yïth päänye mowa ni öge yi kany mo ocaanø, ni ge ööi na aciel ki jø døøŋŋø ki dïŋut luup moa en yi pääny man nø, nee Jwøk marø wëër mare na liel kaamar maac paanye bäätwa kiper gïnögø na tïïcwa enø.»

¹⁵ 'Ba Jönathan wär Acaël ki Jadheya o Tikwa keerge luummögø apiemge, ni ö Meculammi ki nyï tuuŋ Libay ma Cabetay ni cige kur jøøgø.

¹⁶ 'Ba nyïïkwaac jøøa mak ki tøŋ moa duuö, luumma caan jø acooŋa akïthge bäät tïïc. Ni ö dïlämi ma Edhera ni jier jøøa bëëdö na dïbwöthe mo wïth tuŋi ki køør wïth tuŋi mo kwäcge, ni jøøgø bëët nyeŋge ogöör piny. Køøre kanya tïm nïr dwää apaar na aciel, jøøgø gena pï piny nee tier gïnögø raŋge døøc.

¹⁷ 'Ba dïcäŋa tïm nïr dwää aciel na aciel, luup jøøa nywøm nyïï juurre bëët athöörge ki neen.

Nyeŋ Jøøa Nyöömmö Ki Nyïï Juurre

¹⁸ 'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

¹⁹ 'Ba jøøgø gena jïëy ki man kwierge määrge ma nyïï juurre, ni ö ŋati man nø rege ni kän wøk ki nywø røømmø ri pïïth ni cïp gø no olämi kiper gïna raac na tïïe.

²⁰ 'Ba jøøa joot røk nyïïkwaac Imër beege Anani ki Dhebadiya;

²¹ ni jøøa joot røk nyïïkwaac Arim beege Maycëya, ki Ilaaja, ki Cemaya, ki Jikiël, ki Udhaya;

²² ni jøøa joot røk nyïïkwaac Pacuur beege: Eliyönay, ki Maycëya, ki Icmiel, ki Natanel, ki Jödhabat, ki Elaca.

²³ 'Ba ki røk jø tuuŋ Libay, beege: Jödhabat, ki Cimiy, ki Këlaya ni wø cwøl ni Kelitha, ki Petaya, ki Juuda, ki Eliëdher.

²⁴ 'Ba ki røk jø wø wär ki dudi Øt Jwøk, beeye Eliyacip. 'Ba ki røk jø wø koor dhøk kal mar Øt Jwøk, beege Calum ki Tëlem ki Uri.

²⁵ 'Ba jøøa joot røk jø Icriel møga beege ii: ki røk nyïïkwaac Paröc, beege Ramaya, ki Idhiya, ki Malkiya, ki Miyamin, ki Eliedhar, ki Malkiya, ki Benaya;

²⁶ ki røk nyïïkwaac Ilam, beege Mataniya, ki Dhekaraya, ki Jikiël, ka Abdi, ki Jerëmöth, ki Ilaaja;

²⁷ ki røk nyïïkwaac Dhatu, beege Eliyönay, ki Eliyacip, ki Mataniya, ki Jerëmöth, ki Dhabat, ka Adhidha;

²⁸ ki røk nyïïkwaac Bëbay, beege Jöanan, ka Ananiya, ki Dhabay, ka Athlay;

²⁹ ki røk nyïïkwaac Bani, beege Meculam, ki Maluk, ka Adaya, ki Jacup, ki Ceal, ki Jerëmöth;

³⁰ ki røk nyïïkwaac Paath-Möap, beege Adina, ki Kelal, ki Benaya, ki Maycëya, ki Mataniya, ki Bacaliil, ki Binuy, ki Maneeca;

³¹ ki røk nyïïkwaac Arim, beege Eliëdher, ki Iciya, ki Malkiya, ki Cemaya, ki Cimøn,

³² ki Benjamen, ki Maluk, ki Cemariya;

³³ ki røk nyïïkwaac Acum, beege Mathanay, ki Matata, ki Dhabat, ki Elipelet, ki Jerëmay, ki Maneeca, ki Cimiy;

³⁴ ki røk nyïïkwaac Bani, beege Mayday, ka Amram, ki Uël,

³⁵ ki Benaya, ki Bëdiya, ki Kelui,

³⁶ ki Waniya, ki Merëmöt, ki Eliyacip,

³⁷ ki Mataniya, ki Mathanay, ki Jaacu;

³⁸ ki røk nyïïkwaac Binuy, beege Cimiy,

³⁹ ki Celemiya, ki Nathan, ka Adaya,

⁴⁰ ki Maknadebay, ki Cacay, ki Caray,

⁴¹ ka Adharël, ki Celemiya, ki Cemariya,

⁴² ki Calum, ka Amariya, ki Jocep;

⁴³ ki røk nyïïkwaac Nebø, beege Jïël, ki Matitiya, ki Dhabat, ki Dhebina, ki Jaday, ki Jööl, ki Benaya.

⁴⁴ Jøøi bëët beege jøøa nyöömmö ki nyïï juurre, ni jø møøk rege jïge da obwöre moa nywølge ki mään moøgø.