Dut Pwøc 70_1 - Wëël Jwøk

Duut Ŋat Mo Kwaya Jwøk Nee Eni Køny Ceŋ Nyïïmänne

¹ Wui Jwøk, beerra man piemï aani, Wui Wuuö Jwøk, laar rwänh kuna kønyï aani.

² Jøøa many man 'näkge aani, beerra man lää wïthge ni kier wïthge. Jøøa yïthge met ki caannø mara, beerra man riem geni ni räny nyeŋge.

³ Beerra man ö jø wø buu aani ni bwøk cwïnyge ki køør lään wïc marge.

⁴ 'Ba jø wø cac ïïni bëët, beerra man mïn yïthge ki ïïni ni kanyge, ni ö jø wø yïthge met ki køny marï ni cäänge ni nøøcge nøøyø, ni ge köö, ni «Dwøŋŋa Jwøk; dwøŋŋa Jwøk!»

⁵ 'Ba aani, aano caannø naa can; 'ba ï na Jwøk, laar rwänh baŋa. Bee ï ni wø køny aani, ni bee ï ni wø piem aani; Wui Wuuö Jwøk, kärï ruu.