Dut Pwøc 6_1 - Wëël Jwøk

Lam Mar Ŋat Mo Kïmmö Kiper Bëëtö Mare

¹ Wui Wuuö Jwøk, kär a joogï ni marï wëër ki aani, ni ba wëërï kany wø pwönynyï aani.

² Wui Wuuö Jwøk, cïp cwïnyï piny ki aani, kiper aana tïmö naa jääk døc. Wui Wuuö Jwøk, køny aani, kiper dëëra atïmö ni kwanynyi ki lwär.

³ Wui Wuuö Jwøk, cwïnya abwøk døc. ?Aŋø, a yi wäne nø noo kønyï aani?

⁴ Wui Wuuö Jwøk, duu baŋa ni piemï jwïëya, køny aani ki køør mëër marï ni wø ba jøøl.

⁵ Kiper bäŋ ŋat mo caar wïïe ki ïïni køør thøø. ?Aŋa noo maar ïïni pwøc kar bëët jwïëc jøøa no othøw?

⁶ Aana ööl ki kïmmö mara; ki wäär cooth pï nyeŋŋa wø øøya yi pïën mara, ni ö pïënni ni neethar ki pï nyeŋŋa.

⁷ Nyeŋŋa aränynyö ki jwøk; ni wer nyeŋŋa ni kwayø ki jwøk ki køør gïïa tïïc nyïïmänna.

⁸ 'Ba u bëët ni wø tïïc gïï mo reyø, daagu rou buuta, kiper Wuuö Jwøk dwøra awïnynye kanya jwöŋa.

⁹ Wuuö Jwøk kwac mara awïnynye, ni jïëc lam mara.

¹⁰ Nyïïmänna bëët wïthge olääy ni bwøk cwïnyge; wïthge olääy møn, ni putge døø ŋäthge.