Dut Pwøc 47_1 - Wëël Jwøk

Duut Mo Nyootha Gø Ni Dwøŋŋa Jwøk

¹ Wui u na jiy bëët, paŋŋu ceŋŋu, ni kwöŋŋu ni yïthu met jï Jwøk.

² Kiper Wuuö Jwøk na dwøŋ ni en maal, di lwäärö; ena nyeya mana dwøŋŋa eni bäät piny bäre.

³ Wïth juurre abööte jïwa, ni tïïc geni ni ge ena thäc tietwa.

⁴ Waana jëënne ki paac mo bëëtwa yie, ni tïme na gïr ajiem jïwa, wa na nyïïkwaac Jeekap na mëëre ki geni.

⁵ Wuuö Jwøk aci maal bäät wälle, ni jiy kwöŋŋö ki met ec, ni ge kudhö ki tuŋi.

⁶ Wärru ki dut pwøc jï Jwøk, wärru ki dut pwøc; Wärru dut pwøc jï nyeya marø, wärru dut pwøc;

⁷ kiper Jwøk beeye nyeny bäät piny bäre; wärru dut pwøc mo ocaaø ni beyø.

⁸ Jwøk bëëdö na nyeya bäät wïth juurre bëët; Jwøk bëëdö bäät wälu mare na en kur keere.

⁹ Kwääri mo wïth juurre dëëtge acooŋge kanya ciel, ni tïmge na jic Jwø Eeberam; kiper kwääri mo bäät piny bäre, gena mo Jwøk, ni eni na Jwøk, kare dwøŋ døc.