Dut Pwøc 23_1 - Wëël Jwøk

Duut Mo Nyootha Gø Ni Wuuö Jwøk Beeye Dïkwääy

¹ Wuuö Jwøk beeye dïkwääy mara; bäŋ gïn maa can ki gø.

² A wø mooe mooø ki cam ni jäŋa, naa bëëdö kaawat man wø bëët dielli mo obut piny yi luum mo pulli; ni bwøth aani ki buut pïï mo tøŋ.

³ Jwïëya wø døøye mo nyään, ni bwøth aani ki øtjöö mo beer kiper nee nyeŋŋe pwøc.

⁴ Wui Wuuö Jwøk, këël a doo cäädhö kany mo cøl ma kar thøø, bäŋ gïn mo lwäära lwäärö, kiper ï nut buuta; cwïnya wø cømï cømø kany wø koorï aani, kaawat man wø ö dïkwääy wø koor dïëk ni cere da tøŋ ki waragööy.

⁵ Wui Wuuö Jwøk, cam wø jiiŋŋï jiiŋŋø jïra kaamar dhaanhø mo pänha wëëllö, ni wïïrï dëëra ki maaw, ni ö awalli mara man wø mädha ki gø ni tïme ni päŋ ni manynya øc piny. 'Ba nyïïmänna, ge neeta aani, naa ba løny ki kam jïge.

⁶ Wui Wuuö Jwøk, ka adïëri møn, beenynyï ki mëër marï ni wø ba jøøl bëëdö ni løpa køøra yïth nïr kwøw 'moa bëët, ni puta bëëtö yi ødï na bäre bäre.