Dut Pwøc 15_1 - Wëël Jwøk

Duut Mo Nyootha Teeŋ Ŋat Wø Bëëte Many Jwøki

¹ ?Wui Wuuö Jwøk, aŋa noo maar bëëtö yi ødï? ?Aŋa noo maar bëëtö bäät kïnnï na en kur keere?

² Beeye ŋat wø bëëdö ki bëëtö ma kare, ni wø tïïc mana beer, ni wø caar adïëri ki yi cwïnye;

³ ni beeye ŋat wø ba wääö ki nyeŋ, ni wø ba tïïö ki gïn mo raac dëër ŋat atut mare, ni wø ba jøøŋ watge;

⁴ ni wø män ki ŋat mo cwïnye ena køør raay, ni wø wøør jø wø lwäär ki Wuuö Jwøk; ŋat wø ba døø ŋääe ki gïna kööŋe kipere, këël gïï mo leth doo pïï bääte;

⁵ ŋat wø jape mac ni duui ni bäŋ mëëdi bäätge, ni wø ba ŋeew ki piny nee luubö kïth bäät jøøa beyø. 'Ba ŋat wø tïïc teeŋ gïïögø bëët bëëdö kare ni teek.