Dut Pwøc 14_1 - Wëël Jwøk

Duut Mo Cäänö Kaper Rääö Mar Jø Raay

¹ Jiy mo wø cäänö ki cwïnyge, ni «Bäŋ Jwøk», gena bøøre. Gena jiy mo oränynyö, ni ge temma gïï mo reyø, ni bäŋ ŋat mo tïïö ki gïn mo beer.

² Wuuö Jwøk aräŋŋö ki maal ni raaŋa bëët jø bäät piny, ni ge raaŋe kaper nee jïte ki mo wïïe leer, mo manynya eni, eni na Jwøk.

³ 'Ba ge bëët, geno nø gaa wøk, ni geno nø tïmö ni ge reyø bëët, ni bäŋgø mo tïïö ki gïn mo beer, këël dhaanhø aciel kiree, bäŋgø na bäre bäre.

⁴ ?Aŋø, jøø ni tïïö ki gïï mo reyø yøø bäŋ gïn mo ŋäcge, ni camge jap jiya kaawat man wø cam møø jaak en, ni nyeŋ Wuuö Jwøk ba cwølge?

⁵ 'Ba kaaca ge tïmö ni ge lwäär døc, kiper Jwøk ena buut jøøa beyø.

⁶ Jøøa reyø manynya man kierge wïth jøøa no ocaannø, nee gïïa caarge nee ränyge. 'Ba Wuuö Jwøk beeye noo tïmö na kar gwøk røk marge.

⁷ Beerra man ö Wuuö Jwøki ni wø bëëdö Dhayan ni piem jiye ma jø Icriel, ni ö jø Icriel, ni beege nyïïkwaac Jeekap, ni mïn yïthge ni kanyge kanyo ö Wuuö Jwøki noo dwøk bëëtö marge kare.