Dut Pwøc 137_1 - Wëël JwøkDuut Mo Cäänö Kaper Bëët Jø Icriel Moa Mak Ki Tøŋ 1 Waana pï piny bäät näp Babiløn ni jwöŋwa kanya caarwa gïr Dhayan. 2 Thøme mowa alïërwa maal røk jenni paanøgø. 3 Kiper jøøa mak waani ki tøŋ, ge manynya man wärwa ki dudi jïge kaace, ni ö geni na caan waani ni manyge dut met ec baŋwa, ni köge, ni «Wärru jïwa ki duut pou ma Dhayan.» 4 ?Aŋø, duut mar Wuuö Jwøk owärwa gø nidïï ni wa ena po juurre? 5 Wui, ï na Jerucalem, ni näk mo wïïa owïl ki ïïni, wär cer cwïïa bäbe. 6 Wui, ï na Jerucalem, Ni näk mo aano tïmö naa ba lääŋ ïïni, ni ba guma ïïni cwïnya ni kaala jap wø met yia ki ge bëët, leeba wär tal maal. 7 Wui Wuuö Jwøk, par wïïï ki gïna tïïc jø Ëdömmi dïcäŋa päth Jerucalemmi; kiper gena kwöŋŋö ni köge, ni «Nyaau paanøgø piny, nyaau paanøgø piny, këël mano ränynye na bäre bäre.» 8 U na jø Babiløn, u ni wø räänyö, gwïëth en jï ŋato cool kwör dëëtu, noo tïïö dëëtu ki teeŋ gïna tïïyu dëëtwa. 9 Gwïëth en jï ŋato jaaŋ obwöre mou moa therø, ni gøc geni ki ri kïte. |
© The Bible Society of Ethiopia
Bible Society of Ethiopia