Dut Pwøc 136_1 - Wëël Jwøk

Duut Mo Pwøca Wuuö Jwøk Kiper Mëër Mare

¹ Dwøgu met ec jï Wuuö Jwøk, kiper eni beer, kiper mëër mare ni wø ba jøøl bëëdö na bäre bäre.

² Dwøgu met ec jï Jwøk, eni na wïth juu bëët, kiper mëër mare ni wø ba jøøl bëëdö na bäre bäre.

³ Dwøgu met ec jïre, eni na kwääc kwääri bëët, kiper mëër mare ni wø ba jøøl bëëdö na bäre bäre.

⁴ Pwøyu eni, kiper bee eni keere ni wø tïïc gïï mo rëëma ec, kiper mëër mare ni wø ba jøøl bëëdö na bäre bäre.

⁵ Pwøyu eni na cwääc maal ki køør leec wïïe, kiper mëër mare ni wø ba jøøl bëëdö na bäre bäre.

⁶ Pwøyu eni na cwää piny bäät pïï, kiper mëër mare ni wø ba jøøl bëëdö na bäre bäre.

⁷ Pwøyu eni na cwääc gïïa døøŋŋø ni wø cïpi ki tar, kiper mëër mare ni wø ba jøøl bëëdö na bäre bäre;

⁸ Cäŋ acïbe nee rienye ki waŋcäŋ, kiper mëër mare ni wø ba jøøl bëëdö na bäre bäre;

⁹ ni cïp dwääy ki ceer nee rienyge ki wäär, kiper mëër mare ni wø ba jøøl bëëdö na bäre bäre.

¹⁰ Pwøyu eni na dïïr wïth kaai mo jø Ijep, kiper mëër mare ni wø ba jøøl bëëdö na bäre bäre.

¹¹ Eni jø Icriel akäl wøk ki dï jø Ijep, kiper mëër mare ni wø ba jøøl bëëdö na bäre bäre;

¹² ni ge käl wøk ka køør teek bade na dwøŋ, kiper mëër mare ni wø ba jøøl bëëdö na bäre bäre.

¹³ Pwøyu eni na pääŋ pï Naama Kwaar ki dïëre, kiper mëër mare ni wø ba jøøl bëëdö na bäre bäre;

¹⁴ ni tïïc jø Icriel nee pööthge ki dïëre, kiper mëër mare ni wø ba jøøl bëëdö na bäre bäre;

¹⁵ 'ba Peerø ki jø leny moe aleeŋ yi Naama Kwaar, kiper mëër mare ni wø ba jøøl bëëdö na bäre bäre.

¹⁶ Pwøyu eni na bwøth jiye ki dï paap, kiper mëër mare ni wø ba jøøl bëëdö na bäre bäre.

¹⁷ Pwøyu eni na dïïr wïth nyeye moa døøŋŋø, kiper mëër mare ni wø ba jøøl bëëdö na bäre bäre.

¹⁸ Eni nyeye moa teek anääe, kiper mëër mare ni wø ba jøøl bëëdö na bäre bäre;

¹⁹ ni beeye Cëëwön nyeny jø Amör, kiper mëër mare ni wø ba jøøl bëëdö na bäre bäre;

²⁰ ki Ög nyeny Baacan, kiper mëër mare ni wø ba jøøl bëëdö na bäre bäre;

²¹ ni cïp ŋøøm moge jï jiye nee tïmge na moge, kiper mëër mare ni wø ba jøøl bëëdö na bäre bäre;

²² ni put ŋøøpøgø dööŋŋe jïge, ge na jø Icriel, kiper mëër mare ni wø ba jøøl bëëdö na bäre bäre.

²³ Bee eni na cädö kiperø kanya bëëdø ni øøno dwøk piny, kiper mëër mare ni wø ba jøøl bëëdö na bäre bäre.

²⁴ Ni bee eni na käl øøni wøk ceŋ nyïïmän moø, kiper mëër mare ni wø ba jøøl bëëdö na bäre bäre.

²⁵ Eni cam wø cïbe cïbö jï gïïa kwøw bëët, kiper mëër mare ni wø ba jøøl bëëdö na bäre bäre.

²⁶ Dwøgu met ec jï Jwø maal, kiper mëër mare ni wø ba jøøl bëëdö na bäre bäre.