Dut Pwøc 12_1 - Wëël Jwøk

Duut Mo Kwaca Jwøk Ki Man Køny Dhaanhø Ceŋ Jøøa Reyø

¹ Wui Wuuö Jwøk, køny waani, kiper atïmö ni bäŋ ŋat mo cwïnye ena køørï, ï na Jwøk, ni bäŋ ŋat mo maar ka ŋääth mo di joodø këët.

² Ŋati man nø cara tööt jï watge, ni ge cäänö ka dhøkge jaak, ni cwïnyge oriewi.

³ Beerra man ö Wuuö Jwøki ni mec dhøgi mo wø car cwøk bëët, ni ŋør lëëpi mo wø ŋwöö døc,

⁴ ni beege jø wø köö, ni «Løny ki man jootwa mana manywa ki køør cäänö marwa. Wa cäänö jaak ni wa ŋäätha lëëpwa. ?Aŋø, kwääywa aŋa?»

⁵ 'Ba Wuuö Jwøk aköö, na «A ööa maal ennø, ni cøøa kuna kønya jøøa no ocaannø na näk bëëtö marge oränynyö, ni ge bëëdö ni ge cooyø ni bäŋ ŋat køny ge, ni kïtha ge kany mo ge gwøa gwøø yie ni beeye mana manyge.»

⁶ Luup mo Wuuö Jwøk beege luup mo tøŋ ma karge, ni caala warkey mo oleenyø kwöre abïriiø kar thäth.

⁷ Wuuö Jwøk wa gwøe gwøø, ni koor waani ki teeŋ jøøi ni reyø ii,

⁸ ni beeye kany wø tïme ni jiy pwøya gïï mo reyø, ni jøøa reyø bëëdö ni ge cäädhö jaak dï paac bäre.