Dut Pwøc 128_1 - Wëël Jwøk

Duut Mo Cäänö Kaper Gwïëth Man Wø Joot Ŋat Wø Bëëdö Ni Lwäära Wuuö Jwøk

¹ Gwïëth en jï jiy bëët mo wø bëëdö ni ge lwäära Wuuö Jwøk, ni beege jø wø caath jööre.

² Ki køør tïïc mano tïïyï, ïïno jïti ki cam, ni mïn yiï, ni tïm bëëtö marï ni beer.

³ Cïïï otïmö kaamar jaath mo duunnö ki nyïëdi paarï, ni tïm obwöre moï ni thööth ya akaaŋ.

⁴ Ka adïëri møn, manøgø beeye gwïëth, beeye gwïëth man wø joot ŋat wø bëëdö ni lwäära Wuuö Jwøk.

⁵ Wuuö Jwøk ïïno gwïëdhe ki yi Dhayan, ni jootï bëëny Dhayan, eni na Jerucalem, ki yïth nïr kwøw moï bëët.

⁶ Obwöre moo nywøl nyïïï jootï joodø. Bëët-mëër oen bäät jø Icriel.