Dut Pwøc 127_1 - Wëël Jwøk

Duut Mo Cäänö Kaper Jammi Moa Beyø Mo Wø Cïp Wuuö Jwøki

¹ Ni näk mo øtø ba geera Wuuö Jwøki, jø geer ööla dëëtge jaak; ni näk mo pääny ba koora Wuuö Jwøki, ŋat koor ööla dëëre jaak.

² U këël dou mööla wøk ka amöölla cøøn, ni tïïu këël dhöör wäär kiper nou jïtu ki jammi, u ööla rou jaak, kiper Wuuö Jwøk jø wø mëëre ki geni wø di mooø ki niine.

³ Ka adïëri møn, Wuuö Jwøk bee eni ni wø mooc jiy ko obwöre, mo nywøl ka ec, ni cïbe na gwïëth.

⁴ Obwöre mo wø nywøl dhaanhe ni eni poot thiinh laara kunynyö dëëre, ni caala athëëre mo ena cer ŋat leny.

⁵ Meta yi ŋat mo jïre da obwöre mo thööth. Teeŋ ŋatøgø nø, eni ba bööti kany wø cääne ki nyïïmän moe kar løøk.