Dut Pwøc 122_1 - Wëël Jwøk

Duut Mo Kwaca Jwøk Kiper Nee Jerucalem Bëëde Ki Bëët-Mëër

¹ Yia atïmö ni met kanya kö jiyi ki aani, ni «Waa cøø Øt Wuuö Jwøk.»

² Wui Jerucalem, wa nut ennø, ni wa cuŋŋö dhi kiir marï.

³ Jerucalem ogeerø na pääny mo dwala jiy na aciel,

⁴ ni beeye kany wø ci wïth tuŋi mo jø Icriel yie, ni beege wïth tuŋi mo Wuuö Jwøk, nee met ec dwøkge jï Wuuö Jwøk, ki køør ciik mana no ocaanø jïge.

⁵ Ni beeye kanya en wälu mar dhi øt Deebit yie, ni nyeya bëëdö bääte ni ŋøla luup.

⁶ Lämu kiper Jerucalem nee bëëde ki bëët-mëër. Ï na Jerucalem, jø wø mëër ki ïïni, ge jïtö ki bëëtö mo beer.

⁷ Jø wø bëëdö yi kiir marï, ge jïtö ki bëët-mëër, ni bëët jiyi no ogwøø yi kiir marï na teek.

⁸ A cädö kiper nyïïmëëga ki nyïïawäätwa, ni kööa, ni «Ï na Jerucalem, bëët-mëër en jïrï.»

⁹ Bëënynyö marï manynya manynyø, kiper nee Øt Wuuö Jwøk, Jwøk marø, nee bëëde.