Dut Pwøc 108_1 - Wëël Jwøk

Duut Mo Pwøca Jwøk Ni Kwaca Eni Kiper Køny

¹ Wui Jwøk, a bëëdö ni cwïnya ena køørï; naa wär ki dudi naa pwøya ïïni ki cwïnya bäre.

² Päyu, u na thøme 'moa! Aani, øw nyïïa nyïïö nee laar ruuö ki duuda.

³ Wui Wuuö Jwøk, met ec duua duuö jïrï dï jiy bëët, ni wära ki dut pwøc jïrï dï wïth juurre.

⁴ Kiper mëër marï ni wø ba jøøl dwøŋ døc no okëët maal, na adïëri marï okëët nyeŋ pøøl.

⁵ Wui Jwøk, ï bëëdö ni karï dwøŋ døc, na ajiem marï ena bäät piny bäre.

⁶ Wïny mara ni piemï aani ki køør teek badï, kiper nee aani na mëërï ki gø naa piem.

⁷ Jwøk acäänö ni ena kar bëëtö mare na en kur keere, ni kööe, «Ŋøøp Cekam pääŋŋa pääŋŋö ni mïn yia, ni pääŋŋa ŋøøp Goor Cuköt thuwø.

⁸ Ŋøøp Gelät beege 'moa, ni ö ŋøøp Maneeca ni näkge 'moa thuwø; jø tuuŋ Ipariem perge leth ni caala cöör nywïënyö mara, ni jø tuuŋ Juuda beege jø wø kïth ciik 'moa bäät tïïc.

⁹ 'Ba jø Möap caala gïn wø lööga yie, ni ö warø mara ni leeŋa gø yi po jø Ëdöm, ni kwöŋŋa bäät jø Pilitin ni dwøra ena maal kanyo bööta geni.»

¹⁰ ?Wui Jwøk, aŋa noo mooc aani ki teek naa dønynya yi pääny mana teek, noo bwøth aani naa këëda ki jø Ëdöm?

¹¹ ?Wui Jwøk, aŋø, waana kwierï møn ennø, niï ba ci baŋ leny këët ki jø leny mowa?

¹² Køny waani ceŋ nyïïmän, kiper køny mar dhaanhø bäŋ gïn mo duue

¹³ Teek dïïm wø jootwa baŋ Jwøk, ni bee eni noo bööt nyïïmän mowa.