Dut Pwøc 101_1 - Wëël Jwøk

Duut Mo Nyeya Caana Bëëtö Mano Bëëde Ki Gø

¹ Wui Wuuö Jwøk, ï pwøa pwøø ki duut, naa wär kiper mëër mo ba jøøl ki ŋøl luup ma kare.

² Aani, a poot bëëdö ni cwïnya ena jöör adïëri. ?A yi wäne nø noo ööï baŋa? A poot bëëdö ni bëëtö mara thïïŋ ki jø paara.

³ A ba jïëy ki gïn mo raac, naa män ki tïï jø wø gaa wøk, ni tïïe moge a ba gutge.

⁴ Bëëtö mo ba tiir kwiera kwierø, ni bëëda ni kara bäär ki raay.

⁵ Ŋat wø waac nyeŋ watge ki piny raanynya raanynyø, naa ba jïëy ki ŋat mo cwïnye da atöör mo jiy ee taaø ki waŋe.

⁶ A bëëdö naa jïëya jøøa näk marge adïëri dï paac, kiper nee ge bëëtge ki aani. Eni ni wø cäädhi ki jöö mo thïïŋ otïmö na ŋat mo tïnynya aani.

⁷ Ŋat wø tïïö ki tïï cwøk ba bëëdö paara, ni ŋat wø car tööt ba bëëdö buuta.

⁸ Ka amöölla cooth jøøa reyø moa en dï paac wø raanynya raanynyø, kiper nee jø wø tïïc gïï mo reyø bëët käla wøk dï pääny Wuuö Jwøk.