Acther 10 - Wëël Jwøk

Luum Dööŋ Kar Mar Mördekay

¹ Kanyøgø nyeya ma Ayacewëëröc ajwäk aput tïïc bäät mïëri moe bëët moa karge cään këël moa karge bäyö.

² 'Ba tïïe bëët moa tïïe ki køør nyec mare ki teek mare, ki luup bëët moa caan kiper dööŋ kar mar Mördekay, kanya cuum gø, ogöörö yi Wëël Waac Nyeye mo Mëdön ki Parca.

³ Kiper Mördekay ŋat Juuth beeye na nyi nyïm nyeya ma Ayacewëëröc, ni kare dwøŋ yïthakic jø Juuth, ni bëëdö ni tuuŋge bëët yïthge met ki gø, ni beeye ŋata many bëënynyö mar jø poge, na cäänö kiper wï jur mare moo ööi køøre nee jïtge ki bëët-mëër.