1 Luup Nyeye 4 - Wëël Jwøk

Dhøk Uudi Møøk Mo Tuuŋ Juuda

¹ Jøøa käl dëër Juuda beege: Peereth, ki Eedharan, ki Karmi, ki Ur, ki Cöbal.

² 'Ba Reaya o Cöbal beeye wää Jakath; ni Jakath beeye wää Ayumay ki Laad. Jøøgø beege jøøa käl jø Dhöra rege.

³ 'Ba wäät Ëtam beege: Jedhriel, ki Icma, ki Idbac; ni nyeŋ cöökge mana näk dhaagø beeye Ëcelelpöni.

⁴ 'Ba Peniël beeye wää Gëdör, ni Ëdhör beeye wää Uca. Ni jøøgø beege jøøa käl dëër Ur, ni beeye Ur mana näk kany Eeparata wää Bethelem.

⁵ 'Ba Acuur wää Tëköa jïre da määre ariiø, ni beege Ëëla ki Neära.

⁶ Obwöre moa nywølge ki cïïe ma Neära beege Ayujam, ki Ëpër, ki Temeni, ki Ëcthari. Moøgøøni beege wäät Neära.

⁷ 'Ba Acuur obwöre moa nywøle ki cïïe ma Ëëla beege Jeret, ki Icaar, ki Ethnan.

⁸ Köc beeye wää Anup ki Jöbëba, ni beeye kwar jøøa käl dëër Aarël wär Arum.

⁹ 'Ba da dhaanhø mo nyeŋŋe cwøl ni Jabec, mo owøørø døc no opöödhö ki yïthakic nyïïmenni. Nyeŋŋe acak menni ni Jabec, kiper ena köö, ni «Eni nywøla yi rääm mo leth døc.»

¹⁰ 'Ba Jabec alämö jï Jwø Icriel, ni kööe, «Gwïëth aani, Wuuö Jwøk, ni mooyï aani ki ŋøøm mo thööth; gwøk aani, ni koorï aani ceŋ gïï mo leth, nee bäŋe gïn mo leth mo pïï dëëra.» Køøre gïïa pëënynye atïïc Jwøki jïre.

¹¹ Kelub cöök Cua beeye wää Mekir, ni Mekir beeye wää Ectön.

¹² 'Ba wäät Ectön beege Bëëth-Rapa, ki Pacëa, ki Tëëna wää Ir-Naøc. Jøøgø beege jø Reka.

¹³ Wäät Kënec beege Götönial ki Ceraya. 'Ba wäät Götönial beege Athath ki Meönöthay.

¹⁴ Meönöthay beeye wää Opara. Ceraya beeye wää Jöap, ni Jöap beeye wää Ge-Aracim, kiper gena jø wø tïïö ki jammi ki ceŋge.

¹⁵ Wäät Kalëp o Jöpöni beege Iru, ki Ëla, ki Naam. Ëla wääde beeye Kënec.

¹⁶ Wäät Jëlelel beege Dhip, ki Jipa, ki Tiria, ki Acarel.

¹⁷ Wäät Icra beege Jether, ki Meret, ki Ëpër, ki Jalön. 'Ba wäät Meret moa nywøle ki cïïe ma Bithia nyi Peerø beege Mariyam, ki Camaay, ki Icba wää Ëctemöa.

¹⁸ 'Ba obwöre moa nywøle ki cïïe mana näk nyi jø Juuth beege Jered wää Gëdör, ki Eber wää Cökö, ki Jekuthiel wää Dhanöwa.

¹⁹ 'Ba wäät Odiya moa nywøle ki cïïe mana näk cöök Nakam beege wää Kïïla na näk ŋat Garmi, ki Ëctemöa na näk ŋat Maika.

²⁰ 'Ba wäät Cimön beege Amnön, ki Rinna, ki Ben-Anan, ki Tilön. Ni wäät Ici beege Jöith ki Benjöith.

²¹ Jiy moa käl dëër Ceela o Juuda beege Er wää Leka, ki Laada wää Marëca, ki wï tuuŋ mano cwääö ka abïïe yi Bëëth-Acbiya,

²² ki Jökim, ki jø Cöjëba, ki Jöac, ki Carap, jøøa nywøm määr Möap, ni duuge Lëkëm. 'Ba kanya göör luupögø piny yie bäär døc.

²³ Jøøgø beege dïcwäc dääe mo ge bëëdö Netaim ki Gedëra; ge bëëdö ka nyeya kunece ni ge tïnynya gø.

Luum Jøøa Käl Dëër Cimien

²⁴ Wäät Cimien beege: Nemuel, ki Jamin, ki Jarip, ki Dheera, ki Caul;

²⁵ ni Caul wääde beeye Calum, ni Calum wääde beeye Mepcam, ni Mepcam wääde beeye Macma,

²⁶ ni Macma wääde beeye Amuël, na Amuël wääde beeye Dhakur, ni Dhakur wääde beeye Cimiy.

²⁷ 'Ba Cimiy jïre da wääte apaar ka abïciel ki nyïïe abïciel. 'Ba nyïïmenni bäŋ wäätge mo thööth; dhi øtø marge kär nyaay kaamar wäät Juuda.

²⁸ Kar bëëtö marge beeye Bëërcïïba, ki Mölada, ki Adhar-Cuwal,

²⁹ ki Bila, ka Acëm, ki Tölad,

³⁰ ki Batuël, ki Örma, ki Ciklak,

³¹ ki Bëëth-Markaböt, ki Adhar-Cucim, ki Bëëth-Biri, ki Caarayim. Moøgøøni beege päänye moge këël mana pïïcge ri nyeya ma Deebit.

³² Atude moge beege Ëtam, ki Ayn, ki Rimön, ki Tökin, ka Acan. Ge bëët beege päänye abïïc.

³³ Atude moge bëët ena deŋ päänye moøgøøni këël mana këët päänya cwøl ni Baal. Moøgøøni beege kwör bëëte moge, ki kanya täk tier tuuŋ marge yie.

³⁴ Jiy moi no ocøøri ki nyeŋge ii beege bwöthe mo dhøk uudi moge: Mecöbap, ki Jamlek, ki Jöca wär Amaciya,

³⁵ ki Jool, ki Jiyu o Jöcibiya. Jöcibiya beeye o Ceraya, Ceraya beeye wär Aciël;

³⁶ ki Eliyönay, ki Jaaköba, ki Jecöya, ka Acaaya, ka Adiel, ki Jecimiel, ki Benaya,

³⁷ ki Jija o Cipi, Cipi wär Allön, Allön o Jidaya, Jidaya o Cimri, Cimri o Cemaya.

³⁸ 'Ba dhøk uudi mo wëëkge anyaay ni thööth døc,

³⁹ ni tïŋge ni cige Gëdör, këël mana pïïcge deŋ gooro en jï løø kur tuul-cäŋ ni ge manynya kar kwaath kiper dhäk moge.

⁴⁰ Ni jïtge ki ŋöömö mo lem mo beer kiper kwaath, kany mo ŋöömö mare päl mo onikïïl ni bäŋ gïn mo caar kiper leny yie. Jiy moa beet ŋöömmögø dïkwøŋ beege jøøa käl dëër Kaam.

⁴¹ 'Ba kanya tïme na ri nïr Edhekaya nyeny Juuda, jøøa cøøri maal kaagø yøø ki nyeŋge, gena ci baŋ jøøgø ni tukge jøøgø kwöra bëëtge yïthge yi ŋöömmögø, ni rwöpge ka jø tuuŋ Meunim moa en kaace, ni putge wïth jøøgø dïïr na bäre, ni läwge kar jøøgø, kiper da kar kwaath kaace kiper dhäk moge.

⁴² 'Ba ki røkge, ge na nyïïkwaac Cimien, jiy ma dïpe abïïc aci bäät Kïn Cëër ni ge bwøtha wäät Ici, ni beege Pelathiya, ki Neärya, ki Rëpaya, ki Udhiel.

⁴³ Ni dïïrge wïth jø Amalëk moa dööŋ na näk opäär wøk, ni putge bëëte kaace këël dïcäŋi.