1 Luup Nyeye 25 - Wëël Jwøk

Luum Jø Wär Dudi Kanya Cïïm Ge Na Dhøgi Kiper Tïïc

¹ Kanyøgø Deebit ki bwöthe mo leny, gena jëëdö ki jiy røk wäät Acaap, ki røk wäät Ëman, ki røk wäät Jeduthun kiper tïï lam; ni beege jiy mo wø køp dwør Jwøk ki dudi mo wø wär ki thøp-othïënhö ka athaliiŋŋi. 'Ba ge na jier kiper tïïc manøgø, nyeŋge beege ii:

² Ki røk wäät Acaap beege Dhakur, ki Jocep, ki Nethaniya, ka Acarela. 'Ba wäät Acaap moøgøøni ge ena tier wääge ma Acaap, ŋat wø bëëdö tier nyeya ni køpa dwør Jwøk.

³ 'Ba ki røk wäät Jeduthun beege Gedaliya, ki Jeri, ki Jicaya, ki Cimiy, ka Acabiya, ki Matitiya. Ge na abïciel yøø, ge ena tier wääge ma Jeduthun, ŋat wø køp dwør Jwøk kany wø dwøk met ec ni pwøya Wuuö Jwøk ki thøp-othïënhö.

⁴ 'Ba ki røk wäät Ëman beege Bukiya, ki Mataniya, ki Udhiel, ki Cebuël, ki Jerimöth, ka Ananiya, ka Anani, ki Eliatha, ki Gidalti, ki Römamtijer, ki Jöcbekaca, ki Malöthi, ko Ötir, ki Makajöth.

⁵ Moøgø bëët beege wäät Ëman, ŋat wø car luup jï nyeya ki køør man wø nyooth Jwøki jïre. 'Ba wäät Ëman moøgøøni acïp Jwøki jïre ki køør luumma caan Jwøki nee nyeŋ Ëman tïŋge maal. Kiper Jwøk acïpö jï Ëman ko obwöc cwøw apaar kurŋween ko obwöc mään adäk.

⁶ 'Ba jøøgø bëët ge bëëdö tiet wëëkge ni ge wär ki dudi yi øt Wuuö Jwøk ni ge pwøya Jwøk ka athaliiŋŋi ki thøp-othïënhö, kany wø läm jøwi øt Wuuö Jwøk. 'Ba Acaap ki Jeduthun ki Ëman, ge bëëdö tier nyeya.

⁷ 'Ba ge na jø wär, moa näk geno pwönynyö ki wär dudi jï Wuuö Jwøk na näk okwänynyö døc, kwäänge ki jø tuuŋge bëët beege dïpe ariiø ki pïërabära ka abära.

⁸ 'Ba geni, gïï wø tïïc na nyuuthe aleeŋge yïthakicge kiper tïïc marge, ni beege jøøa kwörge døøŋŋø ki jøøa kwörge therø bëët, ki dïpööye këël jø wø pwönynyi.

⁹ 'Ba nyuudhi mana dïkwøŋ aö wøk ki røk wäät Acaap ki nyeŋ Jocep; eni ki jø tuuŋge ki wääte, gena apaar kurriiø; ni ö riet nyuudhi ni ö wøk ki nyeŋ Gedaliya; eni ki jø tuuŋge ki wääte, gena apaar kurriiø;

¹⁰ dää nyuudhi aö wøk ki nyeŋ Dhakur; eni ki jø tuuŋge ki wääte, gena apaar kurriiø;

¹¹ ŋweer nyuudhi aö wøk ki nyeŋ Ijeri; eni ki jø tuuŋge ki wääte, gena apaar kurriiø;

¹² bïï nyuudhi aö wøk ki nyeŋ Nethaniya; eni ki jø tuuŋge ki wääte, gena apaar kurriiø;

¹³ bïcier nyuudhi aö wøk ki nyeŋ Bukiya; eni ki jø tuuŋge ki wääte, gena apaar kurriiø;

¹⁴ bïriet nyuudhi aö wøk ki nyeŋ Jecarela; eni ki jø tuuŋge ki wääte, gena apaar kurriiø;

¹⁵ bäc nyuudhi aö wøk ki nyeŋ Jicaya; eni ki jø tuuŋge ki wääte, gena apaar kurriiø;

¹⁶ bïŋweer nyuudhi aö wøk ki nyeŋ Mataniya; eni ki jø tuuŋge ki wääte, gena apaar kurriiø;

¹⁷ paac nyuudhi aö wøk ki nyeŋ Cimiy; eni ki jø tuuŋge ki wääte, gena apaar kurriiø;

¹⁸ paac kurcier nyuudhi aö wøk ki nyeŋ Adharël; eni ki jø tuuŋge ki wääte, gena apaar kurriiø;

¹⁹ paac kurriet nyuudhi aö wøk ki nyeŋ Acabiya; eni ki jø tuuŋge ki wääte, gena apaar kurriiø;

²⁰ paac kurdää nyuudhi aö wøk ki nyeŋ Cuubaël; eni ki jø tuuŋge ki wääte, gena apaar kurriiø;

²¹ paac kurŋweer nyuudhi aö wøk ki nyeŋ Matitiya; eni ki jø tuuŋge ki wääte, gena apaar kurriiø;

²² paac kurbïï nyuudhi aö wøk ki nyeŋ Jerëmöth; eni ki jø tuuŋge ki wääte, gena apaar kurriiø;

²³ paac kurbïcier nyuudhi aö wøk ki nyeŋ Ananiya; eni ki jø tuuŋge ki wääte, gena apaar kurriiø;

²⁴ paac kurbïriet nyuudhi aö wøk ki nyeŋ Jöcbekaca; eni ki jø tuuŋge ki wääte, gena apaar kurriiø;

²⁵ paac kurbäc nyuudhi aö wøk ki nyeŋ Anani; eni ki jø tuuŋge ki wääte, gena apaar kurriiø;

²⁶ paac kurbïŋweer nyuudhi aö wøk ki nyeŋ Malöthi; eni ki jø tuuŋge ki wääte, gena apaar kurriiø;

²⁷ pïërriet nyuudhi aö wøk ki nyeŋ Eliatha; eni ki jø tuuŋge ki wääte, gena apaar kurriiø;

²⁸ pïërriet kurcier nyuudhi aö wøk ki nyeŋ Ötir; eni ki jø tuuŋge ki wääte, gena apaar kurriiø;

²⁹ pïërriet kurriet nyuudhi aö wøk ki nyeŋ Gidalti; eni ki jø tuuŋge ki wääte, gena apaar kurriiø;

³⁰ pïërriet kurdää nyuudhi aö wøk ki nyeŋ Makajöth; eni ki jø tuuŋge ki wääte, gena apaar kurriiø;

³¹ pïërriet kurŋweer nyuudhi aö wøk ki nyeŋ Römamtijer; eni ki jø tuuŋge ki wääte, gena apaar kurriiø.