Nuolhoutsüphrü 29 - Angami Naga CL (Re-edited) Bible (BSI)

Ketsü Kekhounyiu nu Ruosuoko

¹ Siro khrü thenieu zha puo nhie, nieko kemesa kehou puo kehoutuo, sünhie nie mhatho puorei chü lho, sünhie nie la ketsüko khouketuo teisozha,

² mu thudonuo puo, tekuochü puo mu tekuonuo cie puoketa kemesa thenie se kethengu kethe ruosuo chüpie Jihova kishütuo;

³ mu süko lhacülhale ruosuo la, thou kevitho tier pie reikecü, thudonuou la efa ker-zase, tekuochüu la ker-zakenie;

⁴ tsiu tekuonuo thenieko puo la ker-zapuo;

⁵ siro nie phou chü kemesaketuo la mvüdo puo pie kephouma ruotho chütuo.

⁶ Hako khrülhou ki kethe ruosuo, mu khapie ba meyakezha kethe ruosuoko, mu süko la lhacülhale ruosuo mu kekrie ruosuoko zo kemo thezho rhüpie kebako medzi di khapie baketuo kethengu puo chüpie Jihova tsüketuo mi ruosuokote.

Phousanyi Ruosuoko

⁷ Siro khrü thenieu zha ker nhie rei nieko kemesa kehou puo kehoutuo; sünhie nie mevotuo, nie mhatho puorei chü lho.

⁸ Derei nie thudonuo puo, tekuochü puo, mu tekuonuo cie puoketa thenie se kethengu kethe ruosuo chüpie Jihova ki shütuo, süko bu mesatuo.

⁹ Siro süko lhacülhale ruosuo la thou kevitho tier pie reikecü setuo, thudonuou la efa ker-zase, tekuochüu la ker-zakenie,

¹⁰ tekuonuo thenieko puopuo la ker-zapuopuotuo,

¹¹ süsie rei kephouma ruosuo la mvüdo puotuo, thephou chü kemesa di rhalieketuo la kephouma ruosuo, mu teisonhie kethe ruosuou mu süu thou ruosuo, mu süko kekrie ruosuoko zo kemo, hamho thukeshüko rei chütuo.

Pru Nyiu nu Ruosuoko

¹² Siro khrü thenieu zha kerepengou nhie rei nieko kemesa kehou puo kehoutuo; nie sünhie nie mhatho puorei chü lho, sidi nie zha thenie thenyiu nyipie Jihova tsütuo,

¹³ mu thudonuo kerese, tekuochü kenie, tekuonuo cie puoketa keredia se kethengu kethe ruosuo chüpie Jihova tsütuo, mu hako pete mesa phretuo.

¹⁴ Süko lhacülhale ruosuo la thou kevitho tier pie reikecü, thuodonuo kereseko puopuo la efa ker-zase, tekuochünie puo la ker-zakenie,

¹⁵ tekuonuo kerediako puopuo la ker-zapuotuo;

¹⁶ teisonhie kethe ruosuo mu süu lhacülhale ruosuo, mu kekrie ruosuoko zo kemo hamho thukeshüko rei chütuo.

¹⁷ Zha kenie nhie: nieko thudonuo kerekenie, tekuochü kenie, tekuonuochü kemesa cie puoketa keredia pie ruosuo chütuo;

¹⁸ mu thezho nu tuoi thudoko mu tekuochünie mu tekuoko, tsiu süko thou ruosuoko mu kekrie ruosuoko.

¹⁹ Siro kephouma ruosuo la mvüdo, teisonhie kethe ruosuou mu süu lhacülhale ruosuoko, mu kekrie ruosuou zo kemo hamho thukeshüko rei chütuo.

²⁰ Zha se nhie: thudo kerepuo, tekuochü kenie, tekuonuo teicie puoketa keredia, mu hako pete mesatuo,

²¹ siro puo tsüphrü medzi di thezho nu pupie kezhü tuoi thudo, tekuochünie mu tekuonuoko la lhacülhale ruosuo mu kekrie ruosuoko sa khashütuo;

²² tsiu kephouma ruosuo la mvüdo puotuo, hau pupie kezhü kethe ruosuou, süu la lhacülhale ruosuo mu kekrie ruosuo zo kemo khashü ketuou.

²³ Siro zha dia nhie thudo ker, tekuochü kenie, tekuonuo cie puoketa kemesa keredia,

²⁴ mu thezho nu kemhie thudoko mu tekuochünie, tekuonuoko la lhacülhale ruosuoko mu kekrie ruosuoko,

²⁵ siro kephouma ruosuo la mvüdo puo, teisonhie kethe ruosuou mu süu lhacülhale ruosuou, mu kekrie ruosuou zo kemo hamho thukeshüko rei chütuo.

²⁶ Siro zha pengou nhie thudo thepfü, tekuochü kenie, tekuonuochü kemesa cie puoketa keredia;

²⁷ mu puo tsüphrü medzi di thezho nu kemhie thudoko, tekuochünie, mu tekuonuoko la thou ruosuoko mu kekrie ruosuoko;

²⁸ mu kephouma ruosuo la mvüdo puo, teisonhie kethe ruosuou mu süu lhacülhale ruosuou, mu kekrie ruosuou zo kemo hamho thukeshüko rei chütuo.

²⁹ Siro zha sorou nhie thudo thetha, tekuochü kenie, tekuonuochü kemesa cie puoketa keredia,

³⁰ mu thezho nu kemhie thudoko tekuochünie, mu tekuonuoko la thou ruosuo mu kekrie ruosuoko;

³¹ siro kephouma ruosuo la mvüdo puo; teisonhie kethe ruosuou, mu süu thou ruosuou mu kekrie ruosuou zo kemo hamho thukeshüko rei chütuo.

³² Siro zha thenie nhie thudo thenie, tekuochü kenie, tekuonuochü kemesa cie puoketa keredia,

³³ mu puo tsüphrü medzi di thezho nu kemhie thudoko, tekuochünie, mu tekuoko la lhacülhale ruosuo mu kekrie ruosuoko;

³⁴ tsiu kephouma ruosuo la mvüdo puo, teisonhie kethe ruosuo mu süu lhacülhale ruosuou mu kekrie ruosuou, zo kemo hamho thukeshü rei chütuo.

³⁵ Zha thetha nhie kerüsuo mechükehou puo batuo; sünhie nie mhatho puorei chü lho;

³⁶ derei nie thudo puo, tekuochü puo, tekuonuochü kemesa cie puoketa thenie, pie kethengu ruosuo mi nu thepie Jihova rüsuotuo;

³⁷ mu puo tsüphrü medzi di thezho nu kemhie thudo-u, tekuochü, tekuonuoko la lhacülhale ruosuo mu kekrie ruosuoko,

³⁸ tsiu kephouma ruosuo la mvüdo puo, teisonhie kethe ruosuou mu süu lhacülhale ruosuou mu kekrie ruosuo zo kemo rei hamho thukeshüko chütuo.

³⁹ Nieko rüse la morei nie mianyü ruosuo zo kemo nie kethe ruosuoko, lhacülhale ruosuoko mu kekrie ruosuoko, vitho ruosuo hako chüpie Jihova rüsuotuo.

⁴⁰ Mosae Jihova puo ki diekhakeshü tuoi mha pete se Israelko ki pu phreshü.