Nuolhoutsüphrü 26 - Angami Naga CL (Re-edited) Bible (BSI)

Moab nu Israelko Phrükecü

¹ Siro thepeu sie Jihovae Mosa mu Aron zievo nuou Eliazar unie ki,

² “Israelmia mechükehou pete phrülie, terhü nu pralie kevi khe, u kelhouzha cie mepfü mu sümhoko u puonuo puopuo idi.”

³ Süla Jordan rü khie Moab kijü razhako nu Jeriko nunu Mosa mu Eliazar zievo-u unie uko ki,

⁴ “U kelhouzha cie mepfü mu sümhoko phrüliecie.” Jihovae die khapie Mosa ki keshü tuoi Israelmia Ijipt nunu ta keparko:

⁵ Reuben, Israel nuo phichüu; Reubenmiako; Hanok geinu Hanokmiako; Palu geinu Palumiako,

⁶ Hezron geinu Hezronmia, Karmi geinu Karmimia;

⁷ Hako Reubenmia; mu uko phrükelie mia nyie hiediaese krie thenie di ser.

⁸ Siro Palu nuosenuoyieko geinu Eliab vor.

⁹ Tsiu Eliab nuoko: Nemuel, Dathan mu Abiram. Dathan mu Abiram hanieha, Kora kro-u Jihova petsou di Mosa mu Aron unie mhodzünu panyakecü ki, mechükehou nu kedakelie nie zo,

¹⁰ siro kijüu mekuoshü di uko mu Kora sa mezulie di kro süu siata; süu va mia krie kenie di hiepengou siata; sidi uko pie thakie puo chüshü.

¹¹ Derei Kora nuoko we siata mo.

¹² Simeon nuoko, mu uko kinumiako: Nemuel geinu Nemuelmiako, Jamin geinu Jaminmia, Jakin geinu Jakinmia;

¹³ Zera geinu Zeramia, Shaul geinu Shaulmia.

¹⁴ Simeonmia mia nyie mepfüekenie di krie kenie.

¹⁵ Gad nuoko mu uko kinumiako hako: Zefon geinu Zefonmia, Hagi geinu Hagimiako; Shuni geinu Shunimia.

¹⁶ Ozni geinu Oznimia; Eri geinu Erimia;

¹⁷ Arod geinu Arodmia; Areli geinu Arelimia.

¹⁸ Gad nuomia hako: Gadmia phrükelie mia nyie hiedia di krie pengou.

¹⁹ Juda nuoko: Er mu Onan, Er mu Onan unie Kanan kijü nunu siata.

²⁰ Siro Juda-nuo kinumia hako: Shela geinu Shelamiako, Perez geinu Perezmiako, Zera geinu Zeramiako,

²¹ Perez nuonuoe hako: Hezron geinu Hezronmiako, Hamul geinu Hamulmiako.

²² Judamiako phrükelie nyie hietheniesorou di krie pengou.

²³ Isakar nuoko hakoha: Tola geinu Tolamiako, Puva geinu Puvamiako,

²⁴ Jashub geinu Jashubmiako, Shimron geinu Shimronmiako.

²⁵ Isakar nuoko phrükelie mia nyie hiesorouedia di krie se.

²⁶ Zebulun nuoko: Sered geinu Seredmia, Elon geinu Elonmia, Jahlil geinu Jahlil nuomia

²⁷ Zebulun nuoko phrükelie mia nyie hiesorou di krie pengou.

²⁸ Josef nuoko: Manasseh mu Efraim;

²⁹ Manasseh nuoko: Makir geinu Makirmiako, mu Makir nuou za Gilid; Gilid geinu Gilidmiako

³⁰ Gilid nuo hako: Iezer geinu Iezermiako, Helek geinu Helekmiako

³¹ mu Asriel geinu Asrielmiako; mu Shekem geinu Shekemmiako;

³² mu Shemida geinu Shemidamiako; Hefer geinu Hefermiako

³³ Siro Zelofehad puo nuo thenumia sie thepfumia jü; mu Zelofehad nuo thenuko za hako: Mala, Noah, Hogla, Milka, mu Tirza.

³⁴ Hako Manasseh nuomiako mu uko phrükelie mia nyie hiepengouekenie di krie thenie.

³⁵ Efraimmiakoe hako: Shuthela geinu Shuthelamiako, Beker geinu Bekermiako, Tahan geinu Tahanmiako.

³⁶ Siro hako Shuthelamiako: Eran geinu Eranmiako

³⁷ Efraimmiako phrükelie mia nyie serekenie di krie pengou. Hako Josef nuonuoko mu u kinumiako.

³⁸ Benjamin nuoko: Bela geinu Belamiako, Ashbel geinu Ashbelmiako, Ahiram geinu Ahirammiako.

³⁹ Shufufam geinu Shufammiako, Hufam geinu Hufammiako.

⁴⁰ Siro Bela nuoko Ard mu Naman; Ard geinu Ardmiako, Naman geinu Namanmiako.

⁴¹ Hako Benjamin nuoko, mu uko phrükelie mia nyie hiediaepengou di krie sorou.

⁴² Hako Dan nuomiako: Shuham geinu Shuhammiako. Hako Dan nuoko.

⁴³ Shuhammia pete phrükelie mia nyie hiesorouedia di krie dia.

⁴⁴ Asher nuoko: Imna geinu Imnamiako, Ishvi geinu Ishvimiako, Beria geinu Beriamiako,

⁴⁵ Beria nuoko: Heber geinu Hebermiako, Malkhiel geinu Malkhielmiako,

⁴⁶ mu Asher nuopfü zae Sara.

⁴⁷ Hako Ashermiako pete phrükelie mia nyie hiepengouese di krie dia.

⁴⁸ Naftali nuoko: Jahzil geinu Jahzilmiako. Guni geinu Gunimiako;

⁴⁹ Jezer geinu Jezermiako, Shilem geinu Shilemmiako.

⁵⁰ Hako Naftali nuomiako mu uko phrükelie mia nyie hiediaepengou di krie dia.

⁵¹ Israelko phrükelie mia lakh sorou nyie puo krie thenie di ser.

⁵² Jihovae Mosa ki:

⁵³ Theza phrükelie medzi di uko kayie chüketuo la kijü kezapie uko tsütuo.

⁵⁴ Seyie kekrau bu kayie kralie, mu ketsamia bu kayieu tsa di pie tsütuo: seyie kehoupuorei phrükelieu medzi di kayieu rei pie tsütuo.

⁵⁵ Derei dape di kijüu we kezatuo; u puonuoko medzi di uko bu kayieu lietuo:

⁵⁶ Themia kra shierei tsa shierei dape nu parkelie mhie di kayieu kezatuo.

⁵⁷ Levimiako phrükelie hako: Gershon geinu Gershonmiako, Kohat geinu Kohatmiako; Merari geinu Merarimiako.

⁵⁸ Hako Levi kinumiako: Libnimiako, Hebronmiako, Mahlimiako, Mushmiako, Korahitmiako mu Kohat-e Amram puou.

⁵⁹ Amram kimiapfüe Jokebed Levi nuopfü. Ijipt nunu penuopie Levi ketsüpfü; siro hapfü Aron mu Mosa mu unie üpfü Miriam penuoshü Amram tsü.

⁶⁰ Siro Aron nuoko Nadab, Abihu, Eliazar mu Ithamar.

⁶¹ Derei Nadab mu Abihu unie mi mesa kemo pie Jihova mhodzünu ruosuo kechü la siata.

⁶² Siro uko thepfumia u kelhouzha khrü puo nunu sümhoko phrükelie mia nyie mepfüese. Kekreilamonyü kayie puorei pie uko phruo mo, mu Israelko donu uko sa phrülie moketa la.

⁶³ Mosa mu Eliazar zievo-u unie Jordan rü khie Moab razha Jeriko kepetsou nunu Israelmia hakoha phrülie.

⁶⁴ Derei Mosa mu Aron zievo-u Sinai rayha nunu Israelko phrükecü ki u phrükelieko miapuorei hako donu tuo mota.

⁶⁵ Kekreilamonyü Jihovae uko ki, “Uko rayha nunu siatatuo” icü la. Süla Jefune nuou Kaleb mu Nun nuou Joshua unie rübei sie uko miapuorei tuo mota.