Nehemia 7 - Angami Naga CL (Re-edited) Bible (BSI)

¹ Siro kudau chü tseilieta tse, ae kikhako chüshülie, kharukepfheko, ütsali kechüko, mu Leviko kedalie.

² Mu a siezeu Hanani bu Hanania kediki mehoyakezhau sa di Jerusalem meholienushü; kekreilamonyü puoe themia pelelie kesü puo mu kekreimia kekra ki rei Kepenuopfü khrü preikuoya.

³ Mu ae sie uko ki, “Niaki le parta kemochie Jerusalem kharuko khrüshü hie; siro rükhouko thaluokecü nu, uko bu kikhako khawaliecie, Jerusalem nu kelhouko donunu rükhouko kedalie, mia huomia bu rükhou thau nu thalie, mu kekreiko bu u ki mhodzünu thalie.”

⁴ Rüna nadiu meya mu zha, derei themia sünu kebakoe tsa, tsiu kiko chülie mo zoluo.

Teze Voketa nu La Vorkelieko

⁵ Süsie Kepenuopfüe pehüko, kezhako, mu themiako bu u nuosenuoyie medzi di phrüketuo la ze vor kengulie morokesuo pie a nou chüshü. Siro ae uko nuolhou thiedzü kerieki ketuo leshüda puo ngulie, siro a sünu thupie tuo di ngukelie:

⁶ Hako rüna nu themiako, Babilon kediu Nebukadnezar bu teze vo kedie chüketako; ukoe Jerusalem mu Juda nu, u thuo u rüna nu la vorkelieko.

⁷ Ukoe Zerubabel, Jeshua, Nehemia, Azaria, Ramia, Nahamani, Mordekai, Bilshan, Misperet, Bigvai, Nehum, mu Bana ze vor. Israel themiako phrükelie:

⁸ Parosh nuoko, nyie kenie krie puo di hietheniekenie.

⁹ Shefatia nuoko, krie se di hietheniekenie.

¹⁰ Ara nuoko, krie sorou di hiepengouekenie.

¹¹ Pahat-moab nuoko, süko Jeshua mu Joab nuoko, nyie kenie krie thetha di kerethetha.

¹² Elam nuoko, nyie puo krie kenie di hiepengouedia.

¹³ Zatu nuoko, krie thetha di hiediaepengou.

¹⁴ Zakai nuoko, krie thenie di hiesorou.

¹⁵ Binui nuoko, krie sorou di hiediaethetha.

¹⁶ Bebai nuoko, krie sorou di mepfüethetha.

¹⁷ Azgad nuoko, nyie kenie krie se di mepfüekenie.

¹⁸ Adonikam nuoko, krie sorou di hiesorouethenie.

¹⁹ Bigvai nuoko, nyie kenie di hiesorouethenie.

²⁰ Adin nuoko, krie sorou di hiepengouepengou.

²¹ Ater nuoko, süko Hezekia yiemia, hiethepfüethetha.

²² Hashum nuoko, krie se di mepfüethetha.

²³ Bezai nuoko, krie se di mepfüedia.

²⁴ Harif nuoko, krie puo di kerekenie.

²⁵ Gibeon nuoko, hiethepfüepengou.

²⁶ Bethlehem mu Netofa themiako, krie puo di hiethethaethetha.

²⁷ Anathot themiako, krie puo di mepfüethetha.

²⁸ Bet-azmavet themiako hiediaekenie.

²⁹ Kiriat-jearim, Kefira, mu Berot themiako, krie thenie di hiediaese.

³⁰ Rama mu Geba themiako, krie sorou di mepfüepuo.

³¹ Mikmas themiako, krie puo di mepfüekenie.

³² Bethel mu Ai themiako, krie puo di mepfüese.

³³ Nebo kekreiu themiako, hiepengouekenie.

³⁴ Elam kekreiu nuoko, nyie puo krie kenie di hiepengouedia.

³⁵ Harim nuoko, krie se di mepfü.

³⁶ Jeriko nuoko, krie se di hiediaepengou.

³⁷ Lod, Hadid mu Ono nuoko, krie thenie di mepfüepuo.

³⁸ Sena nuoko, nyie se krie thepfü di ser.

³⁹ Zievoko: Jedaia, süko Jeshua yiemia, kriethepfü di hietheniese.

⁴⁰ Imer nuoko, nyie puo di hiepengouekenie

⁴¹ Pashur nuoko, nyie puo krie kenie di hiediaethenie.

⁴² Harim nuoko, nyie puo di kerethenie.

⁴³ Levimiako: Jeshua nuoko, süko Kadmiel, mu Hodeva yiemia, hietheniedia

⁴⁴ Tsali kechüko: Asaf nuoko krie puo di hiediaethetha.

⁴⁵ Carekepfheko: Shalum, Ater, Talmon, Akub, Hatita mu Shobai nuoko, krie puo di serethetha.

⁴⁶ Kerüsuoki kituoko: Ziha, Hasufa, Tabaot,

⁴⁷ Keros, Sia, Padon,

⁴⁸ Lebana, Hagaba, Shalmai,

⁴⁹ Hanan, Gidel, Gahar,

⁵⁰ Reaia, Rezin, Nekoda,

⁵¹ Gazam, Uza, Pasia,

⁵² Besai, Meunim, Nefushesim,

⁵³ Bakuk, Hakufa, Harhur,

⁵⁴ Bazlit, Mehida, Harsha,

⁵⁵ Barkos, Sisera, Tema,

⁵⁶ Nezia mu Hatifa hako nuonuoko.

⁵⁷ Solomon kituoko nuonuoko: Sotai, Soferet, Perida,

⁵⁸ Jala, Darkon, Gidel,

⁵⁹ Shefatia, Hatil, Pokeret-hazebaim, mu Amon, hako nuonuoko.

⁶⁰ Rüsuoki nu kituoko, mu Solomon kituoko nuonuoko pete kesa krie se di hiethepfüekenie.

⁶¹ Hako Tel-mela, Tel-harsha, Cherub, Adon mu Imer nunu par, derei ukoe u puonuo kikruko morei u yie Israelmia mo mo shikecü thashülie kenjüta.

⁶² Delaia, Tobia mu Nekoda hako nuonuoko, krie sorou di hiediaekenie.

⁶³ Siro zievoko liro: Hobaia, Hakoz, mu Barzilai, hako (puoe Barzilai Gilid nuopfü puo liepie puo kimia chükelieu, sidi uko za kietuota).

⁶⁴ Themia hako u seyie medzi di phrükeshü leshüda nu uko za pfhü, derei ngulie mota. Süla uko üse mesa mo üta, sidi zievo kechü nu uko sa mota.

⁶⁵ Siro kezhau sie uko bu Urim mu Thumim se vorlie kemochie, mha kemesatho cako cülie lho üdi pu.

⁶⁶ Kehou themia petekoe nyie hiediaekenie krie se di hiesorou.

⁶⁷ Uko kituo thepfumia mu thenumia tsü gei rei ukoe nyie thenie krie se di serethenie: mu ukoe tsali kechü thepfumia mu thenumia krie kenie di hiediaepengou.

⁶⁸ Uko kierko, krie thenie di seresorou: uko kier kecü krie kenie di hiediaepengou:

⁶⁹ Uko ut, krie dia di serepengou, gada nyie sorou krie thenie di mepfü.

⁷⁰ Siro u puonuo krütako huomia u zha chüshü. Kezhau suna darik nyie puo, mhakhou hiepengou, mu zievo pfhenei krie pengou di ser khapie kinyibou nu shü.

⁷¹ Siro u puonuo kinuko krütako huomia suna darik nyie mepfü, mu rakachü mina nyie kenie di krie kenie pie kinyibou nu shü.

⁷² Siro kekreimiako khakeshü suna darik nyie mepfü, tsiu rakachü mina nyie kenie mu zievo pfhenei hiesorouethenie.

⁷³ Sükemhie di zievoko, Leviko, carekepfheko, themia kro puo, rüsuoki kituoko mu Israelmia pete u thuo u rüna nu lhou phreta.