Nehemia 12 - Angami Naga CL (Re-edited) Bible (BSI)

Zievoko mu Leviko

¹ Zievoko mu Leviko Shealtiel nuou Zerubabel mu Joeshua ze di khokecüko: Seraia, Jeremia, Ezra,

² Amaria, Maluk, Hatush,

³ Shekania, Rehum, Meremot,

⁴ Ido, Ginethoi, Abija,

⁵ Mijamin, Madia, Bilga,

⁶ Shemaia, Joiarib, Jedaia,

⁷ Salu, Amok, Hilkia, Jedaia. Hako Jeshua teiki zievoko mu uko siezedzürieko donu krüta chü.

⁸ Siro Leviko: Jeshua, Binui, Kadmiel, Sherebia, Juda, mu Matania, puo siro puo siezedzürieko keze di kethezie tsaliko meho.

⁹ Siro kehou teiki Bakbukia mu Uno uko siezedzürieko we uko kepetsoutsa tha di keliya.

¹⁰ Siro Jeshuae Joiakim puou, Joiakim-e Eliashib puou, Eliashib-e Joiada puou,

¹¹ Joiadae Jonathan puou, mu Jonathan-e Jadua puou.

¹² Joiakim zievo kechü teiki u puonuo kinumia donu pehüko: Seraiamia donu Meraia, Jeremiamia donu Hanania;

¹³ Ezra donu Meshulam, Amariamia donu Jehohanan,

¹⁴ Maluki donu Jonathan, Shebaniamia donu Josef,

¹⁵ Harimmia donu Adna; Meraiot donu Helkai,

¹⁶ Idomia donu Zekaria; Ginethon donu Meshulam,

¹⁷ Abijamia donu Zikri; Miniamin nu Moadiamia donu Piltai;

¹⁸ Bilgamia donu Shamua; Shemaiamia donu Jehonathan;

¹⁹ Joiaribmia donu Matenai, Jedaiamia donu Uzi;

²⁰ Salaimia, Kalaimia mu Amokmia donu Eber;

²¹ Hilkiako donu Hashabia; Jedaiako donu Nethanel.

²² Zievoko liro, Eliashib, Joiada, Johanan mu Jadua teiki ukoe u puonuo kinuko donu krütakokecü thupie tuo; süsie rei Persia Darius kedi kechü tei ketso zievoko rei sa chü.

²³ Leviko, u puonuo kinumia donu pehükoe, Eliashib nuou Jonathan teiki ketso thedze leshüdau nu thupie tuo.

²⁴ Siro Levimia pehüko: Hashabia, Sherebia, mu Kadmiel nuou Jeshua, u siezedzürieko ze di uko petsou, kro puo bu kro puo petsoulie di Ukepenuopfü themiau David diekhakeshü tuoi, ketshe pfhe mu kethezie pfhe chü.

²⁵ Kikhapfheyakezha Matania, Bakbukia, Obadia, Meshulam, Talmon, mu Akub hakoe kecüca kiko kicieki ki tha di pfheya.

²⁶ Themia hako Jozadak nuou Jeshua nuou Joiakim teiki siro Nehemia ahng mu Ezra zievo-u thezhokepethau teiki lhou.

Dahouu Kenyükelie

²⁷ Siro Jerusalem dahouu kenyüketuo teiki, ukoe Levinuoko lhou keba thechü pete nunu uko pfhüta, uko ze Jerusalem nu vor di dahou kenyükecü nhie u nei di simbalko, harpko mu lyreko selie di kenei pfhe chü di kethezie khashüketuo la.

²⁸ Siro ükechüko nuonuo Jerusalem khieümhou kijü razha nu, mu Netofatmia natseko nu vor kengulie.

²⁹ Sizomonyü Gilgal nunu mu Geba tsiu Azmavet kijütsei nunu vorlie: ükechükoe Jerusalem khieümhoura natseko chüpie lhou baketa la.

³⁰ Siro zievoko mu Leviko u chü kemesalie, süsie ukoe themiako siro kharuko mu dahouu kenyülie.

³¹ Sitse a Juda kedinuonuoko ze dahou gei vorlie, sidi ketshe pfhe kechü kro kezha kenie kedalie, sünie puoe dahou thezatsa nu Kerhu Kharu tsatie bata.

³² Siro Hoshaia mu Juda kedinuonuoko ketoupuo bu uko siemedzi vo,

³³ tsiu Azaria, Ezra, Meshulam,

³⁴ Juda, Benjamin, Shemaia mu Jeremia,

³⁵ tsiu zievo nuonuo kro puo ketsü se tuo, uko zae Jonathan nuou Zakaria, Shemaia nuou, Matania nuou, Mikaia nuou, Zakur nuou, Asaf nuou;

³⁶ siro puo siezedzürieko: Shemaia, Azarel, Milalai, Gilalai, Maai, Nethanel, Juda mu Hanani, siro Ukepenuopfü themiau David bazhako se idi, mu Ezra thezhokepethau bu uko mhodzü tuotuo.

³⁷ Siro ukoe Dzüluo Kharu kinu mezhü zo David nadiu chapra gei khota, dahou gei kekho nu, David ki mho gei, niathutsa Dzü Kharu tsatie.

³⁸ Siro ketshe pfhe kechü kro kekreiu thevitsa vota, mu a themia ketoupuo ze uko siemedzi zo dahou gei vo, miphu dahou mho geinu vo kemeya dahou ketso.

³⁹ Siro Efraim Careu mho, mu Care Keweu mho, siro Khuo Careu, tsiu Hananel dahou, siro Krie dahou, sidi Tekuo Careu ketso: mu ukoe Kedieki Care ki kemekrie di thata.

⁴⁰ Sidi Kepenuopfü kiu nu kethezie khakeshü kro nie thata, siro a mu mha kekhayakezha ketoupuoe a ze tuo.

⁴¹ Zievoko Eliakim, Maseia, Miniamin, Mikaia, Elioenai, Zekaria mu Hanania uko bu ketsü se.

⁴² Siro Maseia, Shemaia, Eliazar, Uzi, Jehohanan, Malkija, Elam mu Ezer, ukoe uko sietuo. Mu ükechükoe uko krütau Jezrahia zelie di keli peto seshü.

⁴³ Sünhie ukoe ruosuo kekra khashü di uko nei se: kekreilamonyü Kepenuopfüe uko bu u nei pie mhapuo chülieketuo chüshü; uko kimiako mu uko nuonuoko rei u nei phi, siro Jerusalem puo neikecüu kepetsera rei si vota.

Zievoko mu Leviko Mhatho

⁴⁴ Sünhie huomia bu mhakhruokelie kinyibouko, mhakhruokelieko, chieshüko tsiu ker-zapuou, siro thezho nu kemhiei rünako lie nunu zievoko mu Leviko yachütuoü se kevorko mehoketuo la kedalie. Judae uko thekeshüyakezha zievoko mu Leviko ngu u nei phiyakezha la.

⁴⁵ Siro ükechüko rei mu kharukepfheko rei, David mu puo nuou Solomon diekhakeshü tuoi, uko Kepenuopfü lietho-u chüshülie, mu u chü kemesalie.

⁴⁶ Kekreilamonyü thiedzü David siro Asaf teiki üchüyakezhakoe u krüta nyi, siro ketshe tsali mu kethezie khakeshü se Ukepenuopfü tsüya.

⁴⁷ Siro Israelmia pete-e, Zerubabel tsiu Nehemia teiki, teisonhie puo thuo puo yau pie ükechüko mu carekepfheko tsütsüya: siro ukoe mhanya kemesako chü kemesapie Leviko tsüya mu Leviko süko chü kemesapie Aron nuonuoko tsüya.