Nehemia 10 - Angami Naga CL (Re-edited) Bible (BSI)

¹ Zasi vükeshü themiako; Hakalia nuou Nehemia ahng mu Zedekia,

² Seraia, Azaria, Jeremia,

³ Pashur, Amaria, Malkija,

⁴ Hatush, Shebania, Maluk,

⁵ Harim, Meremot, Obadia,

⁶ Daniel, Ginethon, Baruk,

⁷ Meshulam, Abija, Mijamin,

⁸ Mazia, Bilgai, Shemaia hako zievoko.

⁹ Leviko: Azania nuou Jeshua, Hanadad nuo Binui, Kadmiel.

¹⁰ Mu uko siezedzürieko, Shebania, Hodia, Kelita, Pelaia, Hanan,

¹¹ Mika, Rehob, Hashabia,

¹² Zakur, Sherebia, Shebania,

¹³ Hodia, Bani, Beninu.

¹⁴ Themiako donu krütako: Parosh, Pahat-moab, Elam, Zatu, Bani,

¹⁵ Buni, Azgad, Bebai

¹⁶ Adonija, Bigvai, Adin,

¹⁷ Ater, Hezekia, Azur,

¹⁸ Hodia, Hashum, Bezai,

¹⁹ Harif, Anathot, Nebai,

²⁰ Magpias, Meshulam, Hezir,

²¹ Meshezabel, Zadok, Jadua,

²² Pelatia, Hanan, Anaia,

²³ Hoshea, Hanania, Hashub,

²⁴ Halohes, Pilha, Shobek,

²⁵ Rehum, Hashabna, Maseia,

²⁶ Ahia, Hanan, Anan,

²⁷ Maluk, Harim, Bana.

²⁸ Themia kekreiko, zievoko, Leviko, kharukepfheko, ütsalikechüko rüsuoki kemehoko, siro kijüu themiako donunu u kelakreipie Ukepenuopfü zhotsa shükelieko, u kimiako, u nuo thepfuko mu thenunuoko, mhasi mu kesikele themia kehoupuorei.

²⁹ Ukoe u siezedzürieko, uko pehüko kitsa vorlie, sidi Kepenuopfü zho-u nu tuo volietuoü, mu u Niepuu Jihova diekhakeshü pete, mu puoe pethokeshüzhoko, tsiu puoe chünukecüko chüüzelietuoü rüseshü tsiu u die rei khashüwata.

³⁰ Siro hie hie nuonuo thenuko khapie kijü nu themiako ki shülie lho, morei hie nuo thepfuko la u nuo thenuko rei lielie lho.

³¹ Mhanuü kijü nu themiakoe sabat nhie mhanya morei kecüca kehoupuorei se vor ze zo shierei, hie sabat nhie morei teisozha kemesa nhie süu khrülie lho, siro hieko teicie thenieu liecielie lho, mu thepu kehoupuorei vashüwatuo.

³² Süsie rei hie hie thuo teiciekepra shekel se-zapuo pie Kepenuopfü kiu lietho la setuoü thezho chülie.

³³ Siro kepekieniekhrüdau la, thoulha pie rüsuo chüyakecüu la, thepie ruosuo chüyakecüu la, sabatko la, khrü kesa la, pethopie keba thenyiko la, mha kemesako la, siro Israelmia rhalieketuo la kephouma ruosuou, mu hie Kepenuopfü kiu nu mhatho peteko la.

³⁴ Sidi thezho-u nu thupie ketuo tuoi, teiciekepra chünukecü Jihova hie Kepenuopfü ruosuoba gei theketuo la, u puonuo kinuko nu kechü tuoi, sei ruosuo khashüketuo la, süu se hie Kepenuopfü kiu nu vorketuo la, zievoko, Leviko mu themiako donunu dapetuo.

³⁵ Siro teiciekepra, Jihova kiu nu, u lie nu chieshü kerieu se vortuoü, süu seibo pete si kerieu se vortuoü,

³⁶ siro thezho nu thupie ketuo tuoi, hie nuonuo thepfumia nuorieu, hie thu, tsiu hie kiri mu hie kuoko nu kerieu se Kepenuopfü ki nu vortuo, süko se Kepenuopfü kinu mhachüyakezha zievoko ki vortuo.

³⁷ Siro hie niekhrüda nekelie kerieu, hie ruosuo, mu seibo kehoupuorei puosi vükelie, khubezu nu tier, se zievoko, Ukepenuopfü kinu zievoko ki vokecü mese.

³⁸ Siro Leviko ker-zapuo liekecü ki Aron zievo-u bu Leviko ze batuo, siro Leviko ker-zapuo nu ker-zapuo se Kepenuopfü ki nu, mha kenguyakezha kibou nu votuo.

³⁹ Kekreilamonyü Israelmiako mu Levi nuonuokoe süko, khubedzü kesa, tier ker-zapuo se kemesa chü mhabouko keba kibouu nu, zievoko lietho chüyakezhako, carekepfheko ki, mu ütsali chüyakezhako ki votuo, hie-e hie Kepenuopfü kiu khawalie lho zo.