Levimiako 12 - Angami Naga CL (Re-edited) Bible (BSI)

Thenumia Nuoze Sie U Chü Kemesakecü

¹ Jihovae Mosa ki:

² Israelmiako ki pushülie: Thenumiapfü puoe nuonipfülie, di thepfunuomia puo penuolie ro, puoe zha thenie kenyütuo, puoe kerhu sekecü ki tuoi mesa mo batuo.

³ Mu zha thetha nhie puozhü rewatuo.

⁴ Süsie zha serese sa di hapfüe thezie nunu puo chü kemesa votuo; puoe mha kemesa puo rei bielie lho, morei kemesachü puo nu rei volie lho, puo kenyükecü zhako tseita kemochie.

⁵ Derei puoe thenunuomia penuolie ro, puo zhadoudo kenie mesa mo batuo, puoe kerhu sekecü ki tuoi, mu puo thezie nunu puo chü kemesaketuo la zha hiesorouesorou se tuo.

⁶ Siro puo kenyükecü zhako tseita ro, thepfumia morei thenumia la shierei, kethe ruosuo la puoe tekuonuo teicie puoketa yopuo, mu kephouma ruosuo la paruonuo morei, mekhru yopuo se rüsuopfhekiu kikha ki nu se zievo-u tsütuo.

⁷ Puoe Jihova mhodzü nunu süu khashütuo, di hapfü la ruotho chütuo, sitse puoe thezie kekru nunu mesatatuo. Nuo penuokecüpfü la thezho-u hauha, thepfunuomia mu thenunuomia la shierei.

⁸ Mu hapfüe tekuonuo puo rhalie kenjü ro, puoe khruleinuo kenie moro paruonuo kenie setuo, puo kethe ruosuo la mu puo kephouma ruosuo la; sidi zievo-u bu puo la ruotho chütuo, di puoe mesatatuo.