Keriekitho 10 - Angami Naga CL (Re-edited) Bible (BSI)

Noah Nuosenuoyieko

¹ Hako Noah nuo Shem, Ham mu Jafet nuosenuoyieko. Dzüdiu sie nu lhoukelie nuonuoko.

² Jafet nuoko: Gomer, Magog, Madai, Javan, Tubal, Meshek mu Tiras.

³ Gomer nuonuoko: Ashkenaz, Rifat mu Togarma.

⁴ Javan nuoko: Elisha, Tarshish, Kitim mu Rodanim.

⁵ Uko yieko dzükezha khie mu kijü rüchütsokemo nu lhou keyie vota. Süko Jafet nuosenuoyieko, u thuo u kijü mu u thuo u die pu, u kikrukru tsiu u seyie chü kekrei tuote.

⁶ Ham nuoko: Kush, Ijipt, Put mu Kanan.

⁷ Kush nuonuoko: Seba, Havila, Sabta, Rama mu Sabteka. Rama nuoko ro Sheba mu Dedan.

⁸ Kush-e Nimrod-nuo puou mu puo kijü nu terhümiavi kekuotho chü kerieu.

⁹ Jihova mhodzünu puoe chüwhuomia kezha kevi se puo chücü la; süla “Jihova bu n chüpie Nimrod tuoi chüwhuo kevimia puo chüshücie,” idi puya.

¹⁰ Therieki ro Babel, Erek mu Akad hako pie puo kedirüvie chü, hako seko pete rei Shinar kijü nu ba.

¹¹ Puoe kijü sünunu Asiria nu vo di Ninevi, Rehoboth-ir, Kala chüshü, mu

¹² Ninevi mu Kala unie donu keba Resen, rüna kezhau chüshü.

¹³ Ijipt nuoko: Ludim, Anamim, Lehabim, Naftuhim,

¹⁴ Pathrusim, mu Kasluhim, Filistinmia hageinu lhou vor, mu Kaftorko.

¹⁵ Kanan nuorieu ro Sidon mu süsie Het.

¹⁶ Siro Jebusmia, Amormia, Girgashmia,

¹⁷ Hivmia, Arkmia, Sinmia,

¹⁸ Arvadmia, Zemarmia mu Hamatmiako. Kenuotsa Kanan seyieko lhou meya se vota.

¹⁹ Kananmia kijürie-e Sidon nunu tsu Gerar kevatsa Gaza tso, niathutsa ro vo Sodom, Gomora, Adma mu Zeboim siro Lasha ketso.

²⁰ Hako Ham nuoko, u thuo u kikru, u thuo u die, u rüna mu u seyie chü tuoketako.

²¹ Shem, Eber nuoko pete puou, Jafet dzürieu, puo nuonuo lhoulie.

²² Shem nuonuoko: Elam, Ashur, Arpakshad, Lud mu Aram.

²³ Aram nuoko: Uz, Hul, Gether mu Mash.

²⁴ Arpakshad liro Shela puou; mu Shela nuo liro Eber.

²⁵ Eber puo nuo thepfu kenie nyi; mia puo za Peleg, kekreilamonyü puo teiki kijüu kezakewa la, mu puo siezeu za Joktan.

²⁶ Joktan nuoko: Almodad, Shelef, Hazarmavet, Jera.

²⁷ Hadoram, Uzal, Dikla.

²⁸ Obal, Abimael, Sheba,

²⁹ Ofir, Havila mu Jobab. Uko pete rei Joktan yiemia.

³⁰ Uko lhoukecü kijüu liro Mesha nunu niathutsa kijütsei gei rüna Sefar ketso.

³¹ Hako Shem nuosenuoyiemiako, u thuo u kikru, u thuo u die, u rüna mu u seyie chü tuoketako.

³² Themia hako pete rei Noah nuosenuoyie phre, seyie puo sie seyie puo idi u thuo u kelhou ro kekrei zaza vota. Dzüdiu sie kijü nu seyie pete rei Noah nuoko geinu lhou kevormia phre.