Joshua 15 - Angami Naga CL (Re-edited) Bible (BSI)

Juda Ketsü Rüvieko

¹ Juda seyie la u puotsanuo le di kijü uko yako, kijü pekhrotsa Zin rayhau nunu tsu Edom rie ketso.

² Siro uko pekhrotsa therieu tsu Kesia Dzükezhau pekhrotsa thela nunu zo tsu, süu dzü puotie meyapie pekhrotsa petsoukecüu nunu.

³ Sidi Akrabim nu kekho chau nunu pekhrotsa va se Zin keva ketso, Kadesh-barnia pekhrotsa tso, mu Hezron pfüthe kho Adar tso, di rüreise Karka va,

⁴ sünunu Asmon nu tsu, mu Ijipt Rücüu medzi se Mediteranian nu ketso pie puo thela chü. Hako pie pekhrotsa Juda rie chü.

⁵ Niathutsa rieu ro Kesia Dzükezhau puocha pete nu vo Jordan tie kela tso. Pesotsa rieu ro Jordan thela Dzükezha kemeya nu,

⁶ mu pesotsa rieu Bet-hogla nu kho, di tuose Bet-araba mho sa phi Reuben nuou Bohan Tsieu tso.

⁷ Siro Akor Razhau nunu kho Debir tso, di razhau pekhrotsa Adumim nu kekho chau rütsie pesotsa zo kho rürei Gilgal kevatsa tso, sidi En-she-mesh dzütsa phi di En-rogel nunu thela chü.

⁸ Süsie therieu Hinom razhau mu kijüthou pekhrotsa keba Jebusko (süu Jerusalem) kebachüu tso; sidi süu medzi zo kho Hinom razhau niakratsa kevo kijüthouu mezü gei tso, süu Refaim razhau pesotsa kela tso;

⁹ mu sügeinu Neftoa Dzüluou ketso nunu Efron Kijüthou kepenuo nadiko nu vo, sünunu rüreise Bala (süu Kiriat-jearim) tsatie vo.

¹⁰ Sidi Bala niakratsa rüwhi se Seir Kijüthou rünako gei kho, süsie Jearim (süu Kesalon) ücü kijüthou pesotsa zo vo, di Bet-shemesh nu tsu, sidi Timna pfüthe phi;

¹¹ sidi therieu Ekron pesotsa kijüthou ro-u medzi kho, di rüwhi se Shikeron tsa phi, di Bala Kijüthouu pfüthe vo Jabnil tso; dzükezhau pie therie thelau chü.

¹² Siro hau pie niakratsa therieu Mediteranian mu puo khie kemerhieko pie chü. Sidi Juda themiako, puotsanuo puopuo le di chükeshü rie hau nu lhou.

Kaleb-e Hebron mu Debir Penyükelie

¹³ Jihovae Joshua ki diekhakeshü tuoi Juda yie nu Jefune nuou Kaleb bu Juda rüvie nu Kiriat-arba süu Hebron pie puo yachülie. (Arbae Anak-nuo puou).

¹⁴ Mu Kaleb-e sünunu Anak nuonuo seko: Sheshai, Ahiman mu Talmai hako pete whuowa, hakoe Anak yiemiako.

¹⁵ Puoe sünunu Debir nu lhou keba themiako whuotuoü kho, nadi hau thiedzü we Kiriat-sefer idi kieya.

¹⁶ Mu Kaleb-e sie, “Kehoupuorei Kiriat-sefer biewa di liekelieu, a a nuopfü Aksa pie puo ki penyituo,” sishü.

¹⁷ Sitse Kaleb siezeu Kenaz nuou Othniel-e nadiu lielie. Süla Kaleb-e puo nuopfü Aksa pie puo ki penyiwa.

¹⁸ Siro hapfü puo ki kevor ki hapfüe puo bu puo puo ki lie puo chalienuta. Süki hapfüe puo gada geinu kerlie; Kaleb-e puo ki “No kedipuo menguya ga?”

¹⁹ Sitse puoe sie, “Mhapuo pie a tsüshücie, no Negeb nu a phruokeshü kijü keso rübei, süla dzüluo lie huo rei pie a tsücie.” Siru Kaleb-e dzüluo lie peso-u mu pekhro-u rei pie puo tsüwa.

Juda Rünako

²⁰ Juda seyie mu puotsanuo kayie le di rhuopie uko tsükeshü hakoha.

²¹ Pekhrothotsa Edom rie kepenuo nu Juda thinuo rünako ro, Kabzil, Eder, Jagur,

²² Kina, Dimona, Adada,

²³ Kedesh, Hazor, Itnan,

²⁴ Zif, Telem, Bialot,

²⁵ Hazor-hadata, Keriot-hezron (süu Hazor),

²⁶ Amam, Shema, Molada,

²⁷ Hazar-gada, Heshmon, Bet-pelet,

²⁸ Hazar-shual, Beersheba, Biziothia,

²⁹ Bala, Iim, Ezem,

³⁰ Eltolad, Kesil, Horma

³¹ Ziklag, Madmana, Sansana,

³² Lebaot, Shilhim, Ain mu Rimon: rünako pete kesa mepfüethepfü, mu natseko rei sa.

³³ Kijüthou phi nu nadiko ro, Eshtaol, Zora, Ashna.

³⁴ Zanoa, En-ganim, Tapua, Enam,

³⁵ Jarmut, Adulam, Soko, Azeka,

³⁶ Sharaim, Adithaim, Gedera mu Gederothaim, nadi keredia üse uko natseko sa.

³⁷ Siro Zenan, Hadasha, Migdal-gad,

³⁸ Dilan, Mizpe, Jokthe-el,

³⁹ Lakish, Bozkat, Eglon,

⁴⁰ Kabon, Lahmam, Kitlish,

⁴¹ Gederot, Bet-dagon, Nama, mu Makeda, nadi keresorou üse uko natseko sa.

⁴² Mu Libna, Ether, Ashan,

⁴³ Ifta, Ashna, Nezib,

⁴⁴ Keila, Akzib mu Maresha; nadi thepfü üse uko natseko sa.

⁴⁵ Ekron mu puo nadiko tsiu natseko,

⁴⁶ mu Ashdod nunu vo dzükezha ketso, siro Ashdod kepenuoko pete mu uko natseko pete sa.

⁴⁷ Ashdod, puo nadiko mu natseko sa; Gaza, uko nadiko mu natseko sa; sidi tsu Ijipt Rücüu, tsiu Dzükezhatho-u mu puo khie merhieko pete sa.

⁴⁸ Kijüthou gei nadiko ro, Shamir, Jatir, Soko,

⁴⁹ Dana Kiriat-sana, (süu Debir.)

⁵⁰ Anab, Eshtemo, Anim,

⁵¹ Goshen, Holon mu Gilo, nadi kerepuo üse natseko sa.

⁵² Arab, Duma, Eshan,

⁵³ Janim, Bet-tapua, Afeka,

⁵⁴ Humta, Kiriat-arba (süu Hebron) mu Zior; nadi thepfü üse natseko sa.

⁵⁵ Maon, Karmel, Zif, Juta,

⁵⁶ Jezril, Jokdiam, Zanoa,

⁵⁷ Kain, Gibia, mu Timna, nadi ker üse natseko sa.

⁵⁸ Halhul, Bet-zur, Gedor,

⁵⁹ Marat, Bet-anot, mu Eltekon nadi sorou üse uko natseko sa.

⁶⁰ Kiriat-baal (süu Kiriat-jearim), mu Raba: Nadi kenie üse uko natseko sa.

⁶¹ Rayha nu ro, Bet-araba, Midin, Sekaka,

⁶² Nibshan, Metsie Nadiu, mu Engedi: nadi sorouko üse uko natseko sa.

⁶³ Derei Judamiakoe Jerusalem nu keba Jebusko whuo petalie kenjüta, süla Jebuskoe thie ketso rei Jerusalem nu Juda themiako ze lhou baya zo.