Joshua 12 - Angami Naga CL (Re-edited) Bible (BSI)

Mosa bu Penyükewa Kediko

¹ Israelkoe Jordan niathutsa kijü pete penyüwa di lielieta, sidi ukoe Arnon Rüu nunu vo Jordan ketso mu Hermon Kijüthou pesotsa ketso pevielieta. Ukoe kedi kenie penyülie:

² Amorko Kediu Sihon, Heshbon nu lhou, mu Aroer, süu Arnon Razhau tseitsa nu vo razhau metsuo nu tso di vo Ammonko rie Jabok rüu ketso, süusü Gilid ketoupuo sa;

³ mu niathu kevatsatie ro, Araba nunu Kinerot Dzükezhau ketso, tsiu Bet-jeshimot kevatsatie ro Araba, Kesia Dzükezhau ketso, pekhrotsatie ro Pisga kijütseiko keva pete rei sa;

⁴ siro ukoe Bashan Kediu Og rei penyüwa, puoe Refaimmia lhiekelieko puo, puoe Ashtarot mu Edrei nu kedi chü baya,

⁵ tsiu puo kedirüvie-e Hermon Kijüthou, mu Seleka siro Bashan pete zo vo Geshurmia tsiu Makatmia therie nu ketso mu Gilid ketou puo, siro Heshbon Kediu Sihon kedirüvie rie ketso mho kedi chü.

⁶ Mosa mu Israelkoe kedi hanie penyüwa; sidi Jihova kituou Mosae uko kijüko khapie Reubenko, Gadko mu Manasseh thinuo tietsapuo phruowa.

Joshua bu Penyükewa Kediko

⁷ Siro Joshua mu Israelkoe Jordan niakratsa kediko tsiu uko rüvie pete penyülie, Lebanon razha nu keba Balgad nunu vo Edom pekhrotsa kepenuoki keba Halak Kijüthou ketso, (mu Joshuae kijü hako kezapie Israel seyieko phruoshü, uko bu se uvie chüse tuolieketuo la,

⁸ süusü kijüthou rünako, kijüthou phiko, Araba nu kijütseiko mu rayha nu, tsiu Negeb nu pete sa, Hitko, Amorko, Kananko, Perizko, Hivko mu Jebusko kijüko zo):

⁹ Jeriko kediu, Ai kediu, süu Bethel khieki ba.

¹⁰ Jerusalem kediu, Hebron kediu,

¹¹ Jarmut kediu, Lakish kediu,

¹² Eglon kediu, Gezer kediu.

¹³ Debir kediu, Geder kediu,

¹⁴ Horma kediu, Arad kediu,

¹⁵ Libna kediu, Adulam kediu,

¹⁶ Makeda kediu, Bethel kediu,

¹⁷ Tapua kediu, Hefer kediu,

¹⁸ Afek kediu, Lasharon kediu.

¹⁹ Madon kediu, Hazor kediu,

²⁰ Shimron-meron kediu, Akshaf kediu,

²¹ Tanak kediu, Megido kediu,

²² Kedesh kediu, Karmel nu Jokneam kediu.

²³ Nafat-dor nu Dor kediu, Galil nu Goim kediu,

²⁴ Tirza nu kediu, pete kesa kedi serepuo.