Jeremia 45 - Angami Naga CL (Re-edited) Bible (BSI)

Baruk Nou Thupeluokecü

¹ Jeremia siedzekesiue Neria nuou Baruk ki kepu die, puoe die hako Jeremia tie nunu thupie leshütshü puo nu shülie, süu Juda kediu Josia nuou Jehoiakim kedi chükelie cie dia ki:

² Jihova, Israel Kepenuopfüe n ki puya, He-i Baruk:

³ Noe sie, “A we ce, chülietie! Jihovae thenou kesuo pie a noukesuo chü pekrashüte; a meheimelo a nyie bate, a kerülei ngulie mo,” ibate.

⁴ No puo ki hai di pushülie, “Jihovae puya: Ae chüshüwaketau bierhuowatuo, mu a pelhoukeshüu phewatuo, süu kijü peteu.

⁵ Mu no, n thuo n la mha kezha pfhüya me? Süko pfhü hie; kekreilamonyü ae mha kesuo pie u chüüphou chükepfü pete gei vortuo, Jihovae siya; derei n kevo thechü kheko nu ae n kerheiro pie terhü zhakhra puo chüwatuo,” siya.