Isaya 12 - Angami Naga CL (Re-edited) Bible (BSI)

Kethezie Khakeshü Tsali

¹ Noe sünhiesü sie: He-i Jihova, a n thezietuo, noe a gei n nou meyieta zo ürei, n nouyieu kediwa, sidi no a nou thupeluoshü.

² Ukepenuopfü sü a kelakelieu ketho zo; a pele zotuo, mu michielie lho, Niepuu Jihovae a kekuo mu a kemeteiu zo; puoe a kelakelieu chüliete.

³ N nei di kelakelie dzükhouko nunu dzü ütuo.

⁴ Mu no sünhie haicü putuo: Kethezie pie Jihova tsücie, puo za kieshülie; seyieko donu puo mhathoko pesishülie; puo za chü kerükriewata ücü pesishülie.

⁵ Ketshe tsali chüpie Jihova ki shülie, puoe mhachü pevithorkeshü la; hau pie kijü pete bu siliecie.

⁶ Shielie mu nie nei di kelilie, he-i Zion nu kelhouko, Israel Kemesau nie donu zha phi zocü la.