Ibriko 1 - Angami Naga CL (Re-edited) Bible (BSI)

Nuou Geinu Ukepenuopfüe Pukeshü Die

¹ Thiedzü Ukepenuopfüe siedzekesiko geinu mha kekreicü mu puoca kekreikecü nu u puonuoko rüchü vor,

² derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo.

³ Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

⁴ puo chüpie teigeidielieko ki rükriekuoshü, mu puo za zorei uko za ki rükriekuo.

Ukepenuopfü Nuou Kezha

⁵ Kekreilamonyü Ukepenuopfüe teigeidielieko supuo üse, “No a Nuo zo; a thie n penuoliete,” morei sie, “A puo puo chütuo, mu puo a nuo chütuo,” isi ga?

⁶ Süsie rei puo nuorieu bu kijü nu kevor ki, puo sie, “Ukepenuopfü dieliemiako pete puo rüsuocie,” isi zo.

⁷ Puoe teigeidielieko dze pucü, “Puoe puo dielieko chüpie teikhrie chüwaya, mu puo kituoko chüpie miü chüwaya,” si.

⁸ Derei puo Nuou dze pukecü, “Harie Kepenuopfü, n kedi-e kechachie mu kechachie baya, tsiu kemiatho theu sü n kedi theu zo.

⁹ No kemiatho n neiya mu kerüzhü mecüya; süla Kepenuopfü, n Kepenuopfüe puo kenei tier üse n kenhepie n bu n kromia peteko mho zhakuote.”

¹⁰ Sizomonyü, “No, Niepuu, sietsenu kijüu chüshü; mu teiko sü n dzie mhatho zo;

¹¹ süko we jütatuo, derei no we ba sei zotuo; süko we pfhe tuoi rietatuo;

¹² no süko pfhe tuoi kekhrewatuo, tsiu süko pfhenei tuoi thudiwatuo. Derei no we rüdirüliya mo, mu n teicieko mhakipuorei puo thela chülie lho.”

¹³ Derei puoe puo dielieko miapuorei üse, “A n ngumvüko khapie n phipra chüwa kemochie no a zatsa ba zocie,” isi mo.

¹⁴ Teigeidieliemiako pete sü teigeidielie kechü ruopfüko zo, kelakelie welieketako lie kechü la ketsekeshü zo mo me?