Hosea 3 - Angami Naga CL (Re-edited) Bible (BSI)

Ukepenuopfü Rhakelie Kekhrie Khakeshü

¹ Siro Jihovae a ki, “Vo di, thenumia puo neimia nyi di pieü chüketapfü zorei khrieshülie, Israelkoe terhuo kekrei pfhüta mu khube keso u neita rei Jihovae uko khriekecü tuoi.”

² Süla a puo la rakachü shekel kerepengou mu barli kemejü puo tsiu khube sü puo se puo khrülie.

³ Sidi a puo ki, “No zha kekra a vie chü di batuo; no thethe lie lho, no thepfumia ze kekhriekeze lho, siro a rei n ki sükemhietuo.”

⁴ Sümhie Israelmia zha kekra kedimia morei kedinuomia sa mo, ruosuo morei tsiepou sa mo, efod morei terhuorhi sa mo di lhou votuo.

⁵ Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.