Ezra 10 - Angami Naga CL (Re-edited) Bible (BSI)

Rünamiapfü mu U Nuonuoko Khakewa

¹ Sidi Ezra kecha chü mu kephouma phra, kra di puo thuo puo khapie Ukepenuopfü kiu mhodzünu shükelie ki, Israelmia donu thepfumia, thenumia mu nhicumia kekra vor puo khieki kengulie, mu themiako rei krakhouita.

² Sitse Jehiel nuou Shekania, Elam nuonuo thepfuko donu mia puo, Ezra ki pu di, “Hieko hie Kepenuopfü gei jo tuote, sidi kijüu nu themiako donu seyie kekreimiapfü lielie, sirei tsie Israel hahikezhü donu rei kemerü ba zoluo.

³ Süla tsie u kimianuoko pete mu uko nuonuoko pete ketsewa khe, a niepuu die mu Ukepenuopfü diekhakeshü sikeshü ki michiekelie mhiei úko Kepenuopfü ze dietseidiekholie, mu süu thezho medzi di süu chülie khe.

⁴ Sieliecie, hau n mhatho-ucü la, mu hie rei n sie thalietuo, thepfulie di süu chüshülie.”

⁵ Sitse Ezra sielie di zievokezhako, mu Leviko, mu Israel pete bu die hau kemhie chülietuoü rüsewanuta, süla ukoe rüsewa.

⁶ Süsie Ezrae Ukepenuopfü kiu mhodzü nunu sielie di Eliashib nuou Johanan ki nu vota di süzhü sünu bata. Puoe mhacümhakrie mo, puoe miadie chü di la kevorko kephouma la puo nousuo batacü la.

⁷ Sidi ukoe Juda mu Jerusalem pete nu miadie chü di la kevorko pete bu vor Jerusalem nu kengulienu di pesishü.

⁸ Siro kehoupuorei kezhamia mu phichüko diekhakeshü mhiei teisozha se donu vorlie moliro, puo vienya pete pejüwa, mu puo miadie chü di la kevorko kehou donu puo khawatuo üwata.

⁹ Sitse teisozha se donu Juda mu Benjaminmia pete vo Jerusalem nu kengulie, süusü khrü thepfüu nu, zha mepfü nhie. Sidi themia pete Kepenuopfü kiu mhodzü kitiezha nu balie, mu themiako thenyie hau la tsiu teirü phiketa la perüsapfü bata.

¹⁰ Sitse Ezra zievo-u siethalie, di sie uko ki, “Nieko jo tuote, mu seyie kekreimiapfü lie di Israel kephouma bie pekrawate.

¹¹ Tsie süla nie kejo phrapie Jihova nie puonuoko Kepenuopfü ki shüwacie, sidi puo medo-u chüliecie; di kijüu nu themia donunu mu seyie kekreimiapfü liepie nie kimia kechüko donunu nie chü kreilie.”

¹² Sitse kehouu themia pete rei melie u rhiechü puo die kela di sie, “Süusü zo; hie n kepuu chütuo.

¹³ Derei themia krathor, siro teirü sekecü tei puota, süla hieko chazou thalie kenjüta, siro mhatho hau teisozha puo morei kenie donu chülie kenjü; kekreilamonyü mha hau nu hieko mia kekra kekrüwate.

¹⁴ Hieko mhokezhako bu mechü sou chüliecie; hieko nadiko nu suomia seyie kekreimia lie shiü sümia la teisozha pushü di u bu vorcie, siro uko bu nadi pete nu phichüko mu capiko zelie di Kepenuopfü noupfhünouyie kemeriekecüu hie geinu chüwa kemochie,” si.

¹⁵ Asahel nuou Jonathan mu Tikva nuou Jahzeia rübei hau petsoucü zo, mu Levimia Meshulam mu Shabethai unie-e sünie yapie.

¹⁶ Sitse miadie chü tuo di la kevorko, sükemhie chülie. Ezra zievo-u, chienuo donu puo tsü kepfü huomia u puonuo kiu ze di kedakelieko, mia puopuokecü za chie di kedalie. Sidi ukoe thekhrü ker-u nu teisozha therie nhie mha süu chü sedelie.

¹⁷ Sidi thekhrü therieu nu teisozha therie nhie uko seyie kekreimiapfü liepie u kimia chükecüko nyieu chü kemesa tseiwa.

¹⁸ Zievoko nuonuo donu seyie kekreimiapfü liekecü ngukelie hako: Jozadak nuou Jeshua nuo thepfuko mu puo siezedzürieko donu Maseia, Eliezer, Jarib mu Gedalia.

¹⁹ Sükoe uko kimiako khawatuoü u die khashüwa, ukoe joketa la, u kejokemouu la tekuokro-u donu tekuochü puo pie ruosuo chü.

²⁰ Imer nuo thepfuko donu Hanani mu Zebadia.

²¹ Harim nuo thepfuko donu: Maseia, Elija, Shemaia, Jehiel mu Uzia.

²² Pashur nuo thepfuko donu Elioenai, Maseia, Ishmael, Nethanel, Jozabad mu Elisa.

²³ Levimiako donu: Jozabad, Shimei, Kelaia (süusü Kelita ükecüu) Pethahia, Juda, mu Eliezer.

²⁴ Ükechüko donu: Eliashib, kharukepfheko donu, Shalum, Telem mu Uri.

²⁵ Siro Israel donu: Parosh nuo thepfuko donu: Ramiah, Izia, Malkija, Mijamin, Eliazar, Hashabia mu Benaia,

²⁶ Elam nuo thepfuko donu: Matania, Zekaria, Jehiel, Abdi, Jeremot mu Elija.

²⁷ Zatu nuo thepfuko donu: Elioenai, Eliashib, Matania, Jeremot, Zabad, mu Aziza.

²⁸ Bebai nuo thepfuko donu: Jehohanan, Hanania, Zabai, mu Athlai.

²⁹ Bani nuo thepfuko donu: Meshulam, Maluk, Adaia, Jashub, Sheal mu Jeremot.

³⁰ Pahat-moab nuo thepfuko donu: Adna, Kelal, Benaia, Maseia, Matania, Bezalel, Binui mu Manasseh.

³¹ Harim nuo thepfuko donu: Eliezer, Ishija, Malkija, Shemaia, Shimeon,

³² Benjamin, Maluk mu Shemaria.

³³ Hashum nuo thepfuko donu: Matenai, Matata, Zabad, Elifelet, Jeremai, Manasseh mu Shimei.

³⁴ Bani nuo thepfuko donu: Madai, Amram, Uel,

³⁵ Benaia, Bedeia, Keluhi,

³⁶ Vania, Meremot, Eliashib,

³⁷ Matania, Matenai, Jasu:

³⁸ Binui nuo thepfuko donu Shimei,

³⁹ Shelemia, Nathan, Adaia,

⁴⁰ Maknadebai, Shashai, Sharai,

⁴¹ Azarel, Shelemia, Shemaria,

⁴² Shalum, Amaria mu Josef.

⁴³ Nebo nuo thepfuko donu: Jeiel, Matithia, Zabad, Zebina, Jadai, Joel mu Benaia.

⁴⁴ Themia hako pete rei seyie kekreimiapfü lie, mu ukoe u nuonuo sa di süko kha phrewata.