Chieliko 97 - Angami Naga CL (Re-edited) Bible (BSI)

Jihova Kedi Kechü mu Kekuo

¹ Jihovae kediu, kijüu bu puo neiliecie, dzükezha khieko bu u noumvüliecie.

² Kimhouko mu zeide-icü bu puo houpfü ba; puo kediba mvüdze-e kemiatho mu kedietho zo.

³ Tsiu mi puo puo mhodzü tuoya, di puo khie puo mhou puo ngumvüko thewaya.

⁴ Puo teikemelakoe kijüu va pezieshü; kijüu süsü ngu di peta.

⁵ Jihova mhodzünu kijüthouko mepfhibuo tuoi di zhata, kijü pete Jihova mhodzünu.

⁶ Teiko puo kemiatho pesiya, tsiu themia pete puo zayieu ngu.

⁷ Mirhi kerüsuoko pete pie thenga nu shüwa, puoma kejü miarhiko se u mholie chü ketuoko; terhuoko pete puo mhodzünu nuketsu.

⁸ Zion-e rünyülie di puo neilie mu Juda nuopfüko u noumvülie, n capiko la, He-i Jihova.

⁹ Jihova no kijüu peteko mho kerükrietho-u zocü la; noe terhuoko pete mho rükrie.

¹⁰ Harie nie Jihova nie neikezhako, kesuo rütseliecie; puoe puo kemiathomiako kelhou rüguose baya; puo kerüzhümia dzie nunu süko kelashüya.

¹¹ Kemiathomia la kezie, mu u nou kemezhümia la kenei prushüte.

¹² Nieko kemiathoko, Jihova nunu nie neiliecie; mu puo za kemesau tshelie.